Description

Martxoaren 31n, osteguna, 18:00etan, Gasteizko Ingeniaritza Eskolako ekitaldi aretoan, ikasketak 2021. urtean amaitu zituzten ikasleen graduazio ekitaldia egingo da. Ikasturte horretan, guztira, 203 ikasle egresatu ziren.

Gainera, titulazioagatiko espediente onenaren sariak banatuko dira eta Volkswagen Navarra enpresari saria emango zaio Eskolarekin izandako lankidetzagatik.

Ekitaldiaren buru Manoli Igartua Olaechea izango da, Euskal Herriko Unibertsitatearen Arabako Campuseko errektoreordea, eta Ramiro González, Arabako ahaldun nagusia; Gorka Urtaran, Gasteizko alkatea; Miren Artaraz Miñón, Eusko Jaurlaritzaren Unibertsitate Politika eta Koordinazioko zuzendaria; Alberto Lalana, Volkswagen Navarrakoa; eta Zuriñe Gómez de Balugera López, eskolako zuzendaria izango ditu lagun.