AZALPENAK

Modu-aditzondoak: “nola” edo “zelan” galderari erantzuten diote.

-TA, -RIK, eta -A(K) bukaeradun modu-aditzondoak:

- Hiru atzizki hauen esanahia berdina izan arren, beren erabileraz ezin esan dezakegu horrenbeste, kasu batzuetan behintzat.

- Numeroari dagokionez, -RIK eta -TA singularrerako zein pluralerako erabiltzen dira, ezelako aldaketarik pairatu gabe:

- Zabalik dago / Zabalik daude
- Eginda dago / Eginda daude, eta ez *Egindak daude

- Hirugarren formak -A(K), berriz, artikulu singularra nahiz plurala hartzen du –izatez artikulu hutsa baita forma hau–, komunztadurari eutsiz:

- Pastela hasia dago / Pastela hasia da
- Pastelak hasiak daude / Pastelak hasiak dira

Iturria: Gramatika praktikoa-1, 120. or.

• EGA-I: 87., 88. or.
• Euskera jatorra: 13. or.
• Gramatika praktikoa-1: 120. or.
• Gramatika praktikoa-2: 88. or.