Eguna: 2025/02/5
Lekua: Zientzia eta Teknologia Fakultatea

Enpresa eta Berrikuntza Teknologikoko Zentroen Aurkezpenerako XX. Jardunaldiak otsailaren 5ean izango dira.

Ekimen berri honek mundu profesionalera hurbilduko ditu ikasleak, eta horien hezkuntza zein lan arloko garapena bultzatuko du.

Jardunaldietan, hainbat sektoretan lider diren enpresetako ordezkariekin zuzenean aritzeko aukera izango dute ikasleek. Bertatik bertara ezagutu ahal izango dituzte lan ingurunearen nondik norakoak, teknologia berritzaileenak eta merkatuaren egungo erronkak; eta, horrekin batera, identifikatu ahal izango dute sektore bakoitzean zein diren gaitasun baloratuenak.

Ekimen honetan, bide profesionalak esploratzeko aukera izango dute ikasleek, baita funtsezkoak izan daitezkeen harremanak sortzeko eta lan aukeren inguruko zalantzak argitzeko abagune bikaina ere. Era berean, eskuratutako ezagutza eta gaitasunak enpresetan nola nabarmendu daitezkeen ere deskubritu ahal izango dute.

Ikasle guztiak animatu nahi ditugu esperientzia aberasgarri honetan parte hartzera, oso lagungarria izango baita etorkizun profesionala bideratzeko.

Ez galdu aukera! Zientzia eta Teknologia Fakultatean izango gara zure zain.