Ibilbidea

Industria-ingeniaria Bilboko Ingeniaritzako Eskolan (UPV/EHU), 2006an. Energia Berriztagarrietako Masterra 2013an eta Mekanikako Ingeniaritzako doktorea 2017tik.

Euskal Herriko Unibertsitateko (UPV/EHU) irakaslea, Ingeniaritza Mekanikoko departamentuaren barruan, 2012tik. Eraikuntzaren Ingeniaritzako jakintza-arloari lotutako irakasgaiak irakasten ditu, bai graduetan eta bai masterrean.

Energiaren eta eraikuntzaren sektoreko enpresetan aurretik izandako esperientziak eta fatxadak birgaitzeko sistemarik jasangarriena ezartzeko tesian garatu zuen metodologiak lagundu egin diote ikertzaile gisa izan duen garapen profesionalean. Horrekin guztiarekin, ikerketa-proiektuetan, nazioarteko kongresuetan eta aldizkari indexatuetan argitaratutakoetan parte hartu du.