Egindako titulazioaren espedientea itxi ondoren, ikasleak Gradu edo Master titulua eska dezake.
Gradua edo Masterra amaitzeko ikasturtean eskatzen dutenek GAUR: Tituluak-Titulu Berria Eskatzea atalean sartuta eskatu ahal izango dute.
Gainerakoentzat, Idazkaritzarekin harremanetan jarri psikologia@ehu.eus helbidean edo aurrez aurre.

Hona hemen prozedura:

• Titulu-eskaera betetzea eta sinatzea.
• Erantsi NANaren fotokopia (indarrean dago).
• Dagozkion tasak ordaintzea (Idazkaritzan entregatuko den abonu-agiriaren bidez).

Izapide horiek egin ondoren, TITULUAREN ALDI BATERAKO ORDEZKATZEKO ZIURTAGIRIA jasoko da, balio ofiziala izango duena, titulua eman arte.

Titulua interesdunak berak baino ezin du hartu. Beste inork hartu behar izanez gero, beste persona bati baimena eman ahal izango dio bere izenean jasotzeko.

Horretarako, honako hauek aurkeztu beharko ditu:              

• Titulua jasotzeko baimena beteta eta sinatuta (eredua erantsi da).
• Baimena ematen duen pertsonaren eta baimendutako pertsonaren NAN/pasaportearen kopia

Titulua jasotzeko baimena duen pertsonak, NANa edo pasaportea, baimena, eta identifikazio-agirien kopiak aurkeztu beharko ditu.

Tituluaren Europako Gehigarriaren helburua da Europako herrialdeetan emandako goi-mailako hezkuntzako tituluen gardentasuna areagotzea eta horien aitortza profesionala eta akademikoa erraztea.

Aurretiko baldintzak

1. TEGa eskatu ahal izango dute 2003ko irailaren 12tik aurrera titulua eskatzen edo eskatu duten 1. eta 2. zikloko ikasleek (1044/2003 EDren indarrean sartu zeneko data), data horretan beren ikasketa-planak indarrean baldin bazeuden.
2. TEGa igortzeko aurretiko baldintza: Titulua ordainduta izatea eta ikastegiak onartzea.

Prozedura

1. TEGa ikastegiaren idazkaritzan eskatuko da. Interesa duen pertsonak nahi adina eskatu ahal izango ditu, aldez aurretik ezarritako tasa ordainduta.
2. TEGa hiru hizkuntzatan egingo da: gaztelania, euskara eta ingelesa.
3. TEGa ikastegiaren idazkaritzan entregatuko da, ordainketa egin eta astebete ingurura, arrazoi teknikoengatik eragozpenak sortzen ez baldin badira.