Metodologia

Metodologia orokorra irizpide teoriko eta praktikoen araberakoa da, eta kasu eta arazoak aztertu eta ikertu, proiektuak egin eta zenbait kasutan gauzatu egiten dira proiektu horiek, eta gainera, buruz buruko tutoretzak eta azterlan autonomoa egiten da. Ikasleek garapenean bertan eraginkortasunez esku hartzea bultzatuko du, hausnarketa eta eztabaidaren bitartez etengabe bilakatuko den jarrera kritiko eta sortzailea bideratuz eta ikasten ikasteko egoerak sortuz. Masterraren berezitasun profesionala dela-eta, irakasleak bi multzotan egituratuta daude, eta horietako gehienak UPV/EHUko Arte Ederren Fakultatekoak diren bitartean, gainerakoak beste unibertsitate batzuetako irakasleak eta izen handiko profesionalak dira. Masterraren plangintzaren ondorioz, ikasgai batzuek esku hartzen duten artistek eta profesionalek esperientzia izateko derrigortasuna ezartzen dute. Hautazkotasuna, ikasleei enpresetan praktikak egiteko aukera emateko koordinatu da. Aintzat hartzen ditugun koordinazio mekanismoak hiru arlotan banatua daude:1.a. Presentziazkoa ez den denboraren plangintza eta jarraipena.2.a. Esperientzia enpresetako praktiketan txertatzea eta tutoretzapean jarraitzea.3.a. Master Amaierako Lanen tutoretza eta zuzendaritza.

Ebaluazioa

Proposatutako ebaluazioa jarraitua da, Masterraren ikasgaietan garatzen den irakaskuntzaren alderdi guztiari buruzko informazioa lortuz. Ikasle bakoitzaren prozesuak ebaluatu eta autoebaluatuko dira. Ikasgaiaren edukien garapenak ikasleen ikaskuntzan duen eraginari buruzko datuak eta adierazleak eskuratuko dira, eta horrela, etorkizunerako hobekuntzei ekingo zaie. Prozesuak zein emaitzak baloratuko dira, eta baita parte-hartze maila ere. Prozedurek ikasleen gaitasunak, ezagutza eta trebetasunak ebaluatu behar dituzte: Banakako lana, motibazioa eta proposamenekiko interesa, taldean edo ikasgelan egindako esku-hartzea, lantaldeetako lana eta ezarritako denbora tarteetan egindako jarduerak izango dira ebaluaziorako adierazleak. Ezinbestekoa izango da asistentzia ikaskuntzako lorpenak eskuratu ahal izateko. Inkesten bitartez, enpresetako praktikak Masterraren edukietara egokituta dauden eta horietan eragina duten aztertuko da. Beste ikasketa batzuk amaitu dituztenekin etengabeko komunikazio bideak ezarriko dira, horien lan munduratzearen berri eduki ahal izateko.