Masterraren gakoak
Informazio eta komunikazio teknologietan izandako aurrerapen ikaragarriek elkarrekintza sozialeko erak ahalbidetu dituzte, eta, ondorioz, ikasteko ingurune berriak sortu dira.
Horren ildotik, "Teknologia, Ikaskuntza eta Hezkuntza" masterra diseinatu da teknologia berri horien arloan oinarri metodologiko eta teknologiko handia bereganatzeko eta teknologia berri horiek ikaskuntzan eta hezkuntzan sormenezko erabilera bultzatzeko.
Programa irekita dago irakaskuntzako maila desberdinetako profesionalentzat, irakasteko era guztiak barne daudelarik, tradiziozko ikasgelako irakaskuntzatik e-learning delakoraino. Azken batean, programa irekita dago teknologiak hezkuntza eta prestakuntza proiektuetan egin ditzakeen ekarpenetan sakontzeko interesa duten profesionalentzat.
Horrenbestez, prestakuntza jasotakoan, ikaslea gaituta egongo da prestakuntza ingurune birtualak diseinatu, garatu eta ebaluatzeko, material didaktikoa sortu ahalko du sarean argitaratzeko, eta hezkuntzan teknologia berrien erabilerarekin lotutako lan praktiko bat planifikatu eta garatu ahalko du.
Master hau ikerketa jardunera dago bideratuta, UPV/EHUko “Globalizazio Aztergai: Erronkak eta Diziplinarteko Erantzunak” doktorego programako ikasketen aurreko urrats gisa.
