Masterraren Gakoak
Neurozientzia, azken bi hamarkadetan bereziki, inoiz ez bezalako aurrerapenak bizi izan dituen zientzia arlo garrantzitsuenetako bat bilakatu da. Aipatu aurrerapenek, gainera, eragin handia dute gizartean, neurologia arloko (neuroendekapenezko gaixotasunak, istripu kardiobaskularrak) edo psikiatria arloko (eskizofrenia, antsietatea, depresioa) burmuin gaitasunek interes handia pizten baitute, geroz eta eragin handiagoa dutelako gure gizartean.
Testuinguru horretan, ikerketarako joera handia eta diziplina anitzeko izaera duen Neurozientziak Masterrak Neurozientzia modernoaren arlo ezberdinak lantzen duen prestakuntza eskaintzen du: nerbio-zelulen biologia molekularretik egoera normalaren eta baldintza patologikoen barruko kognizio eta portaeraren oinarri biologikoetaraino. Ikasleak, honela, nerbio-sistema normalaren eta kaltetuaren egitura eta funtzioen ezagutzan murgilduko dira.
Prestakuntza programak ondokoetan jarriko du bere arreta: nerbio-sistemaren arkitektura, morfologia, antolaera eta harremanen ezagutza; osasun baldintza onetan eta gaixotasun egoeran duen funtzionamenduaren oinarri biologikoak eta klinikoa; eta aipatua ikertzeko egun aplikatzen diren teknika ezberdinak.
Horri guztiari esker, ikasleak Neurozientzia arloko bere ikerketa jarduera has dezake, bai eta oinarriak ezarri ere etorkizunean Neurozientziak Unibertsitate arteko Doktorego Programa UPV/EHUn egin ahal izateko.
