Masterraren gakoak
Master honi esker Merkataritza-nabigazioko kapitaineko lanbide arautua eskura daiteke, eta hori da gradu profesional hori lortzeko aukera bakarra.
Helburua da itsasoan ontzien nabigazio, egitura eta jarrerari eta itsas-garraioko logistikari buruzko alorretan goi-mailako trebakuntza eskaintzea.
Prestakuntza diziplina anitzekoa da eta, hala, masterrak itsas eta portuen inguruko zuzenbide, administrazio, kudeaketa eta logistikari buruzko ezaguerak eskaintzen ditu, baita, besteak beste, merkataritzari eta ingurumenaren kudeaketari buruzkoak ere. Beraz, itsas eta portu ingurune ekonomikoan lan egin, elkarreragin eta eragiteko beharrezko gaitasun-maila eskuratuko da.
Masterrarekin Ingeniaritza Nautikoa, Itsas Ingeniaritza eta Itsasontzi Erradioelektronikako Doktorego Programa egin daiteke. Programa hori nazioko unibertsitate artekoa da, Kantabriako Unibertsitatearen ardurapean eta Universidad del País Vasco/Euskal Herriko Unibertsitatearen, Kataluniako Unibertsitate Politeknikoaren, La Lagunako Unibertsitatearen eta Oviedoko Unibertsitatearen parte-hartzea du.
