Masterraren Gakoak
Ez da eskainiko 2024/2025 ikasturtetik aurrera
Iturri fosilen etengabeko kontsumo saihestezinak eta interes geopolitikoek argudio nagusi izaten jarraitzen dute iturri berriztagarrietatik abiatuta material berrien garapena justifikatzeko.
Horri gizartearen eskaera gehitu behar zaio, material birziklagarriak edo biodegradagarriak sortzeko, eta bide ematen dio horrek bioteknologien erabilerari biopolimero berriak eta beste produktu batzuk prestatzeko, Kimika Berdearen printzipioen arabera, haien transformazioari loturiko prozesuetan.
Material Berriztagarrien Ingeniaritza Masterrak kualifikazio handi bat eskaintzen du aplikazio berrien garapen iraunkorrean, biomasaren aprobetxamendu integralean oinarritutako aplikazioak, materialak, erregaiak eta beste produktu berri batzuk garatzeko.
Prestakuntza programak aukera ematen du material berriztagarrien ingeniaritzako azken urratsak eta biofindegien bidearen planteamendua ezagutzeko, baita arlo honetan gurean eta atzerrian egiten diren jardueren berri izateko ere.
Gainera, tresna metodologiko egokiak erabiltzen dira garapen iraunkorrarekin lotutako ikerketetan parte hartzeko, biomasaren aprobetxamenduaren bidez, enpresetan, berrikuntza zentroetan eta baita maila akademikoan ere.
Master honen bidez zuzenean sar daiteke Material Berriztagarrien Ingeniaritza doktorego programara eta antzeko beste programa batzuetara.
