Masterraren gakoak
Master honek kontu-ikuskariaren lanbide arautua eskuratzeko aukera ematen du. Kontabilitate eta Kontuen Ikuskaritza Institutuak (ICACek) eskatzen duen prestakuntza teorikoa eskaintzen du, azterketaren fase teorikorako (I. Blokea. Kontabilitatea eta Kontuen Ikuskaritza) eta horrek Kontu Ikuskarien Erregistro Ofizialean (ROACen) izena emateko aukera ematen du; hori guztia beharrezkoa da ikuskari-lanak egiteko, indarrean dagoen legediaren arabera.
Gainera, gradua eta lizentziatura lortu duten pertsonen prestakuntza-beharrizanak betetzen ditu, kontabilitatean, finantza-informazioa eta kontuen ikuskaritzan espezializatu eta eguneratu nahi badute.
Programa amaitutakoan, ikasleak finantza-txostenak prestatu, berrikusi, aztertu eta interpretatzeko gaitasuna izango du, kontuen ikuskaritzan lagun dezake, baita nazio mailako zein nazioarteko lehiaketa-prozeduretan esku hartu ere, etorkizuneko kontuen ikuskari edo kontabilitate aditu gisa; lanbideak eskatzen duen erantzukizun sozial eta etikoa bere gain hartuko ditu. Horrek bere baitan hartzen ditu ezaguera teknikoak aplikatzea, aurre egin beharreko egoera ezberdinetan erabaki oinarridunak hartzeko garatzea, eta kontabilitate eta kontuen ikuskaritzaren jarduera profesionalak eskatzen duen etengabeko eguneraketari aurre egiteko gaitasuna, enpresa-ingurunean dauden etengabeko aldaketen aurrean.
Master honi esker doktoretza-ikasketak egin daitezke.
