Masterraren gakoak
Ingurumen Ingeniaritza eta Kudeaketa unibertsitate arteko masterraren helburu nagusia da ingurumen ingeniaritzaren arloan banaka jarduteko edo lantaldeak zuzentzeko gaitasuna duen ingeniari bat prestatzea.
Barne premien bilakaerak eta Erkidegoko legedi zorrotzera egokitzeak premiaz eskatzen dio unibertsitateko tituludun, ikertzaile eta jardunean ari diren profesionalen gero eta kopuru handiago bati ezagutza espezializatuagoak eskuratzea eta horiek praktikan aplikatzea ere, zientzia tradizionaletako ingurumen gaiei buruzko prestakuntza orokorraz gainera. Horri esker, ingurumen teknologien hainbat arlotan garatu ahalko dituzte analisi metodoak, ikerketa eta berrikuntza ildoak, garapen teknologikoa eta kudeaketa, betiere gure inguruneko baldintza espezifikoetara eta merkatu tradizionaletara egokituta.
Ingurumen Ingeniaritza eta Kudeaketa masterrak sektorearen eskaera horiei erantzun nahi die prestakuntza programa oso baten bidez.
