Metodologia

Masterrak 60 kreditu ditu, irakaskuntza aldi batean (40,5 kreditu) eta ikerketa aldi batean (19,5 kreditu) banatuak. Irakaskuntza aldian, 9 ikastaro egin ohi dira (horietako bakoitza 4,5 kreditukoa), bi unibertsitateek eskaintzen dituzten 22 ikastaroen artetik aukeratuak. Gutxieneko kreditu kopururik edo matrikulazio ikasturterik ez dagoenez, arduraldi partzialez eta hainbat urtetan burutu daiteke masterra, eta horretan laguntzen du ere ikastaro gehienak goizeko ordutegiaz edo arratsaldeko ordutegiaz egin ahal izateak.Prestakuntza ikastaroen edo moduluen irakaskuntza metodologiak bakarkako edo taldekako jarduerak barne hartzen ditu:* Eskola magistralak* Laborategi praktikako eskolak* Ikasgelako praktikak* Ordenagailu praktikak* Mintegiak prestatzea* Kasu praktikoak ebaztea* Bisitak ikerguneetara* Landa lanaIkaskuntza baliabide nagusi gisa, aipatzekoak dira bi unibertsitateetako ondo hornitutako praktika laborategiak, berotegiak eta hazkuntza ganberak, aukera ematen dutenak laborategiko praktikak era egokian egiteko. Ikerketa laborategietara eginiko bisitak eta horien ekipamenduaren zati baten erabilera lagungarri izan daitezke ere praktikak hobetzeko. Prestakuntza osatzeko, ikasgelako praktikak eta landa praktikak egiten dira. Gainera, bai UPV/EHUk bai NUPek liburutegi bikainak dituzte, talde mintegiak egiteko argitalpen, liburu eta dokumentazio iturri interesgarriz osatutako funtsekin. Bi campusetako Interneteko hari gabeko sareei esker, ikasleek campuseko hainbat lekutan lan egin dezakete konexio egokiekin, batez ere talde lanetarako eta mintegien prestakuntzan.

Ebaluazioa

Gai bakoitza bereiz ebaluatuko da, kontuan izanik erabilitako irakaskuntza metodo bakoitzaren ezaugarriak:* Ikastaroaren edukiei (teorikoak batez ere) buruzko azterketa idatzia; gaia ulertu den ebaluatuko da. * Mintegietan, lana nola idatzita dagoen baloratuko da (bibliografia bilatzea eta gaira egokitzea), eta haren jendaurreko azalpena (ezagutzaren transmisioa).* Praktikei buruzko txostenari esker, kontzeptuen eta erabilitako tekniken ulermena eta erabilera baloratu daitezke.* Parte-hartze aktiboa jardueretan (etengabeko ebaluazioa).Gaien kalifikazio guztietan oinarrituta, batez bestekoa 5 edo 5etik gorakoa bada, ikasleak ikerketa aldiarekin jarraitu ahal izango du.Master amaierako lana tutoreak eta bi irakasle ikuskatzailek kalifikatuko dute, eta epaimahai baten aurrean egingo den lanaren defentsan, honako hauek baloratuko dira:* Aurkezpena eta alderdi formalak* Helburuen argitasuna eta, oro har, azalpenarena* Erabilitako metodologia* Material grafikoa* Emaitzei buruzko eztabaida