Masterraren gakoak
Aurrerapen teknologiko berriei esker, azken hamarkadetan teknologiaren erabilera asko igo da medikuntza arloan, ikerketa-arlo, arazo eta abagune berriak sortuz. Aipatu erronkei aurre egiteko, Ingeniaritza Biomedikoa Unibertsitate arteko Masterrak medikuntza arloko osasun-teknologiaren kudeaketa, ebaluazioa eta aplikazioa irakatsiko dizkizu. Master honi esker Ingeniaritza Biomedikoaren arloan sartuko zara, ezagutza horiek ikerketan eta arazoen ebazpenean aplikatzeko gaitasuna lortuz; oinarri teoriko eta praktiko sendoa emango dizu, instrumentazio eta teknologia biosanitarioen diseinuan lan egiten has zaitezen; berrikuntza teknologikoko enpresa batean jarduera profesional bat berehala egiten hasteko prestatuko zaitu; eta osasun-teknologien baliozkotzean trebatuko zaitu ere.
Programa hiru zatitan egituratuta dago: teorikoa lehena, online egiten dena osotasunean; bigarrena Practicumari dagokio eta boluntarioki egin daiteke Euskal Autonomia Erkidegoko enpresa teknologikotan; eta, azkenik, master amaierako lana.
Masterrak, gainera, nazio haraindikoa izateko asmo nabarmena du: ingeniaritza biomedikoan Espainiak eta Paraguaik (Asunciongo Unibertsitate Nazionalarekin batera antolatu baita) duten eskarmentua batzen ditu trebakuntza integrala eta globalizatua eskaintzeko asmoz.
