Masterraren Gakoak
Garaikidea bezalako gizarte errealitate hain konplexu baten ikerketa zientifiko-soziala egiteko xehetasunez ezagutu beharra dago ezagutzak lortzeko aplikagarriak diren lan metodologia ezberdinak. Halaber, aipatuak egokiro maneiatu beharra dago, ikerketaren jomugen eta ezarritako helburuen arabera.
Testuinguru horretan, Ikerketa Ereduak eta Arloak Gizarte Zientzietan Masterrak gizarte ikerketak garatzeko beharrezkoak diren analisi eta teknika erreminten inguruko ezagutza aurreratua eskainiko die ikasleei.
Horretarako, gizarte ikerketari eta aipatuarekin batera doazen teorizazio prozesuei dagozkien prozedura gaien inguruko ezagutzan jartzen du bere arreta programak, bai eta gizarte garaikidearen ikerketa arlo egituratzaileetako gizarte ikerketaren praktikari buruzko ezagutza sakonean ere.
Prestakuntzak gizarte ikerketaren eredu eta etapa metodologikoak sakontasunez lantzen ditu, metodologia, informatika programa eta ikerketa teknika aurreratuak -kualitatiboak zein kuantitatiboak- azalduz ere ikasleei.
Prestakuntza amaituta, ikertzaileak ikerketa metodo eta teknika globalak aplikatzeko proposamenak aurkeztu ahal izango ditu arazo zehatzak konpontzea helburu duten ikerketa proiektu zehatzetan; eta egoera konplexuei aurre egiteko gai izango da ere.
Ikerketa Ereduak eta Arloak Gizarte Zientzietan Doktorego Programarako sarbidea eskaintzen du master honek.
