Metodologia

Prestakuntzak 60 ECTS ditu, horietatik 40 eskolen aldiari dagozkio eta 20 ikertzekoari (Master Amaierako Lana-MALa). Eskolak arratsaldetan ematen dira, irail amaieratik martxora arte. 5 ECTSeko 8 irakasgai daude, horietatik 4 irakasgai nahitaezkoak dira eta beste 4 hautazko 6 irakasgairen eskaintzatik hautatu behar dira. Horiek guztiak UPV/EHUren Medikuntza eta Erizaintza Fakultatean ematen dira eta gutxi gorabehera 2 asteko iraupena dute (10 egun/irakasgaiko, ikus eskolen egutegia). Masterra arduraldi partzial bidez egin daiteke, hau da, urtean egin nahi den irakasgai kopurua hauta daiteke bi urteko epean. Master honetan erabiltzen den irakaskuntzarako metodologiak parte hartzeko aukera eta eduki praktiko handia eskaintzen ditu, eta eskola magistralen bidez osatzen da. Irakaskuntza metodologia hauek tartekatzen dira:-Kontzeptuzko edukiei buruzko eskola magistralak.-Laborategiko praktikak.-Adierazitako edukiak erabiltzea eta aplikatzea.-Zuzendutako mintegiak. Ikasleek banan-banan eta taldean egin beharreko jarduerak tartekatzen dira.Kredituen %30 baino gehiago ikasleak berak bakarrik egin behar duen ikerketa proiektuari (MALa) dagozkio, egiaztatutako esperientzia duen ikertzaile baten zuzendaritzapean.

Ebaluazioa

Ikasleak ebaluatzeko, modu sistematiko eta jarraitu batez egingo da irakasgai bakoitzean. Ikaslea metodo edo ebidentzia hauetako batzuen bidez ebaluatuko da, irakasgaiaren arabera beti ere:-Parte hartze aktiboa.-Egindako ariketak (aurrez aurre edo ikasgelatik kanpo egindakoak).-Praktikei buruzko txostena.-Idatziz egindako lanen aurkezpena (bakarka zein taldean egindakoak).-Ahozko aurkezpenak.-Eduki teoriko eta praktikoei buruzko probak/azterketak.MALaren ebaluazioa dagokion atalean azaltzen da (ikus MALaren gida). Labur esateko, batetik, ikerlanari buruz idatziz egindako lana balioetsiko da (%40), eta, bestetik, ikerlanean oinarritutako poster baten aurkezpena eta defentsa.