Masterraren Gakoak
Pertsonen kudeaketa aproposa erakundeen arrakasta bermatzeko faktore nagusietako bat da. Pertsonen hautaketa eta harreran, promozio eta fidelizatzean, ordainketan, gaitasunen garapenean eta antzeko arloetan berritzeko gai diren profesionalak geroz eta garrantzitsuagoak dira.
Enpleguari dagokionez, lan merkatuko bitartekaritzak une zehatz batean dauden gabeziak baloratzeko eta beren esku dituzten langileak aipatuak betetzeko xedearekin bideratzeko gaitasuna duten profesionalak behar ditu.
Masterraren prestakuntza programak enpresa, erakunde, merkatu eta eskualdetako giza baliabideen kudeaketak dakarren konplexutasuna, interrelazioak eta dinamika ulertzeko beharrezkoak diren ezagutzak eskaintzen ditu, dauden ikuspegi ezberdinak integratuz: juridikoa, ekonomikoa, erakunde mailakoa, psikologikoa, historikoa eta soziologikoa.
Eta enpresa mailako zein administrazio publikoetako eta erakundetako esku hartze eremu guztietan lan egiteko gai diren pertsonak prestatu nahi ditu, errealitate berrien sorrera sustatuz zabala eta diziplina anitzekoa den ikuspegi batetik.
Giza Baliabideen eta Enpleguaren Kudeaketa Masterrak erakunde barruko pertsonala kudeatzeko eta osotasunean garatzeko gaitasunak eskainiko dizkizu, bai eta enplegua sustatzeko eta bultzatzeko gaitasunak ere.
Masterrak sarbide zuzena ematen du eskainitako doktorego programa guztietara, beti ere ikasleak dagokion Doktorego Programan eskatzen diren baldintzak betetzen baditu.
