Metodologia

Master honek erabiltzen duen metodologiak baliabide hauek konbinatzen ditu:- Materialen irakurketa. Materialen irakurketa eta ulermenaren bidez, ikasleek irakasgaietan landutako kontzeptuak barneratzen dituzte, ondoren ebaluatuko direnak.- Eskola magistrala. Ikasleek menderatu behar dituzten kontzeptuak argitu, ideiak finkatu eta oinarrizko nozioak nabarmentzeko balio du.- Artikuluen irakurketa eta haien inguruko eztabaida. Helburua ikaslearen gaitasun kritikoa garatzea da, gai izan dadin bere iritzia arrazoitzeko eta besteen iritziaren aurkako argudioak azaltzeko.- Kasuen edo ariketen ebazpena. Aurreko jarduerak egin ondoren, eskuratutako ezagutzak egoera zehatz bati aplikatzeko ordua iristen da. Horretarako, kasu errealen edo egoera erreal bati egokitutako kasuen ebazpena planteatzen da.

Ebaluazioa

Ebaluazio sistemak bi helburu ditu: alde batetik, ikaslearen prestakuntzari bultzada ematea; bestetik, ikasturte hasieran ezarritako helburuak bete diren egiaztatzea. Helburu horiek betetzeko, ikaskuntzaren ebaluazioa bi zatitan egituratzen da, hainbat helbururekin:- Azterketa teoriko-praktikoak, irakasgaietan garatutako kontzeptu nagusiak eskuratu eta finkatu diren baloratzeko.- Lan indibidualak, talde lanak eta lan zuzenduak, ezagutzak garatzeko eta balioan jartzeko gaitasuna baloratzeko.