Metodologia

Eskola teorikoak dira. Irakasgaiaren irakasle edo irakasle talde arduradunak gai baten gaineko azalpena egiten du.Kasuak analizatuko ditu, irakasleak azaldu eta gero zer sistematika behar den kasu partikularrak ikertzeko. Ikasgelan beste kasu batzuk planteatuko dira ikasleek aztertu eta analizatzeko.Taldean eztabaidatuko dira irakasle taldeak edo ikasleek berek egindako kasuak eta proposamenak.Tailerra da oinarri teorikoak eta teknikoak praktikan jartzeko tokia, horretarako prestakuntzako esperientzia praktikoak garatuz, baina horiek ikuspegi kontzeptualetik behin eta berriro berraztertuz.Irakasteko metodologia oinarritu egiten da aurrez aurreko jarduera teoriko eta praktikoetan eta proiektuen garapenean. Masterraren barruan sartzen dira lankidetza hitzarmenak, hainbat erakunde eta enpresarekin Kanpoko Praktikak egiteko.

Ebaluazioa

Ikasleak master amaierako lan bat aurkeztuko du bitan banaturik, alde bat praktikoa izango da eta besteak dokumental ukitu handiagoa izango du. Azken horretan jasoko dira alderdi teorikoagoak direnak edo justifikazio kontzeptualak.Aurkezpena dosier bat entregatuz egingo da, lan prozesua, berorren ondorioak eta defentsa publiko bat dokumentatuko dituena.Arreta handia emango zaie praktikaren formazko alderdiei, baita diskurtsoarekin zerikusia dutenei ere, aurkeztu behar den dosierra eta lanaz egiten den defentsa zuzenak, sinesgarriak eta erakargarriak izan daitezen. Tutoreak edo tutoreek zaindu beharko dute emaitza ikaslearentzat ona eta aberasgarria izan dadin.Ondoko alderdi hauek balioetsiko dira:-Erakutsitako gaitasuna. Testuinguru sortzaile batean, hau da, praktika artistikoetan, enpresetako praktika sortzaileetan edo berrikuntza laborategietan, konponbide berritzaileak proposatzeko erakutsitako gaitasuna.-Prozesuen egokitzapena. Proposatutako helburua kontuan hartuta proiektu bat pentsatu eta gauzatzean parte hartzen duten parametroak analizatu eta interpretazioen prozesuen egokitzapena.-Gai izatea proiektuak sortu eta garatzeko arlo praktikoan, bakarka edo talde lanean.-Erakutsitako gaitasuna proiektuak kudeatu eta sortzeko lanak identifikatu eta gauzatzerakoan, praktika artistikoen testuinguruan, hots, arte teknologikoan, garaikidean eta performatiboan.-Proposamena arte garaikidearen testuinguruan ulertaraziko duen dokumentazioa aurkeztea.-Proiektua zuzen defendatu eta formazko aurkezpena modu egokian egitea.