IKASKETA-EMAITZAK:

1. Algoritmo klasikoen eta datu-egitura aurreratuen katalogoa berrerabil daitekeen egoerak antzematen/ezagutzen ditu.



2. Algoritmoen diseinuaren eta eraginkortasunaren analisiaren oinarrizko teknikak irizpideekin aplikatzen ditu.



3. Kritikoki eta zehaztasun nahikoarekin aztertzen ditu hainbat soluzio algoritmiko, sailkatzeko eta egokiena aukeratzeko.



4. Maila akademiko honen berezko arazoen soluzio algoritmiko eraginkorrak diseinatzen ditu, behar bezala justifikatuta.

1. Algoritmoen eraginkortasunaren analisia

1.1 Algoritmoen analisirako oinarrizko kontzeptuak

1.2 Kostu algoritmikoaren analisia: kasu onena, txarrena eta batez bestekoa

1.3 Notazio asintotikoak eta horien erabilera funtzioen sailkapenetan

1.4 Errekurtsio-ekuazioen ebazpena

1.5 Adibideak: bilaketa, ordenazio eta errekurtsioa algoritmo klasikoak

1.6 Problemen ebazpenak



2. Datu-egitura aurreratuak

2.1 Grafoa

2.2 Meta

2.3 Partiketa



3. Grafo gaineko korritzeak

3.1 Sakonerako eta zabalerako korritzeak

3.2 Teknika erabiltzen duten algoritmo klasikoen aurkezpena eta bestelako problemen ebazpena: konektibitatea, bide motzenak, etab.



4. Zatitu eta irabazi teknika

4.1 Algoritmo diseinu-teknikaren azalpena

4.2 Teknika erabiltzen duten algoritmo klasikoen aurkezpena eta bestelako problemen ebazpena: bateraketa bidezko ordenazioa, ordenazio azkarra, K.ren hautaketa etab.



5.Programazio dinamikoaren teknika

5.1 Algoritmo diseinu-teknikaren azalpena

5.2 Teknika erabiltzen duten algoritmo klasikoen aurkezpena eta bestelako problemen ebazpena: Txanpon kopuru minimoen itzulera, motxila 0/1, eta abar.



6. Backtracking teknika

6.1 Algoritmoen diseinu-teknikaren azalpena

6.2 Teknika erabiltzen duten algoritmo klasikoen aurkezpena eta bestelako problemen ebazpena: Motxila, mapen koloreztapena, txanponak, etab.



7. Teknika jalea

7.1 Algoritmoen diseinu-teknikaren azalpena

7.2 Teknika erabiltzen duten algoritmo klasikoen aurkezpena eta bestelako problemen ebazpena: ekintza hautaketa, motxila zatiekin, hedapen zuhaitz minimoak, etab.

Irakasgai honetan irakaskuntza metodologia bat baino gehiago erabiltzen dira. Lan autonomoa indartuko da, baliabide informatikoak eta bibliografikoak erabilita, eta ikasleei lagunduko die horrek gaiaren hainbat alderdi ulertzen.



Irakasgaiaren eduki kontzeptualak azaltzeko klaseak (M) emango dira, eta ikasleek parte hartuko dute eduki horiei buruz noizbehinka egingo diren eztabaidetan. Ikasgelan, ikasleek zalantza eta problemen ebazpenean parte hartuko dute. Problemak eta ariketak jarriko zaizkie, bakarka edo taldeka egin ditzaten (GL). Horri esker, gaiaren alderdi teorikoan sakonduko dute, eta irakasgaia lotuko dute antzekoak diren beste arlo batzuekin.



Ikasleek hainbat proba egingo dituzte eta ikasturtean zehar puntuatuko dira (taldeka ariketak garatzea eta aurkeztea eta banaka partzialak ebaztea).



Ikasketa-emaitzak gauzatzeko, ikasleek hainbat ariketa garatu, idatzi eta aurkeztu beharko dituzte mintegietan (gelako eta laborategiko eskola praktikoak). Laugarren ikasketa-emaitza proba partzialen bidez ebaluatuko da nagusiki.

Bi bide daude ikasgaia gainditzeko: Etengabeko ebaluazioa (jarraitua) edo Azken ebaluazioa.



ETENGABEKO EBALUAZIOA borondatezkoa da, eta ikaslearen parte-hartze aktiboa eskatzen du; beraz, ikasleak eskola eta ariketa saioetara etorri beharko du orokorrean, haietan parte hartu, eta proposatutako jarduerak (ariketak, lanak, praktikak, azalpenak...) egin beharko ditu.



Etengabeko ebaluazioaren moduaren aurreinskripzioa automatikoa izango da, eta ebaluatutako jardueraren bat egin izanaren ondorioz gertatuko da. Etengabeko ebaluazioari uko egin nahi dioten ikasleek esplizituki idatziz adierazi beharko dute bigarren partzialaren aurretik.





Etengabeko ebaluazio hezitzailean, honako jarduerak burutuko dira azaldutako pisuekin:

-(A1) modu kolaboratiboan garatutako jarduerak: %50. (problemen garapena, test moduko galderen sortzea, inplementazioak, etab.)

-(A2) banakako azterketa partzialak: %50. Ikasleen ezagutzak eta trebetasunak ebaluatzeko banakako bi azterketa partzial egongo dira aste trinkoetan, bakoitzaren pisua irakasgaiaren azken notaren %25a delarik.



Etengabeko ebaluazioaren bidez irakasgaia gainditu ahal izateko honako baldintzak bete behar dira:



-(R1) Azterketa partzial bakoitzean gutxienez 3 puntu lortu behar dira 10 puntuetatik

-(R2) Bi azterketa partzialen batez besteko nota gutxienez 4 izan behar da 10 puntuetatik

-(R3) Irakasgaiaren azken nota, aipatutako portzentaiak aplikatu ondoren, gutxienez 5 izan behar da





Bi partzialetakoren batera aurkezten ez bada, edo lehenengoan gutxieneko nota lortu ez bada, ebaluazio jarraitua utzi eta azken ebaluaziora pasako da.



Bi partzialetara aurkeztuta (R1) edo (R2) baldintzak betetzen ez badira, azken notari ez zaizkio gehituko (A1)-ko jarduera ebaluagarriak.





AZKEN EBALUAZIOAn irakasgaiko edukien %100a neurtzeko idatzizko proba bat egongo da. Proben data zehatzak irakasgaiari lotutako eGelan eta fakultateko web-atarian daude eskuragarri. Azken ebaluazioko proba idatzira aurkezten ez bada, ebaluazioari uko egiten zaiola ulertuko da.

Irakasgaiaren ikasgela birtualean (eGelan) eskura dagoen materiala.

Oinarrizko bibliografia

- Cormen T.H, Leiserson C.E, Rivest R.L. y Stein C: "Introduction to Algorithms", (4th edition), The MIT Press, (2022), Isbn: 978-0-262-04630-5



- Arruabarrena, R.: "Algoritmika". Ed. Udako Euskal Unibertsitatea, (1997). Isbn: 84-86967-82-1

(online eskura: https://ocw.ehu.eus/file.php/44/Bestelakoak/Algoritmika-RArruabarrena-UEU97.pdf)



- Arruabarrena, R., and Bermúdez, J.: "66 problemas resueltos de Análisis y Diseño de Algoritmos", (1999), http://hdl.handle.net/10810/42192

Gehiago sakontzeko bibliografia

- Kleinberg, J. and Tardos, E.: "Algorithm Design", 1st Edition, Pearson New International Edition, (2013), Isbn: 978-1292023946

- Dasgupta, S., Papadimitriou, C. H., and Vazirani, U. V.: "Algorithms", McGraw-Hill Education, (2006), Isbn: 978-0-07-352340-8

- Levitin, A.: "Introduction to The Design and Analysis of Algorithms". 3rd edition. Pearson International Edition, (2012), Isbn: 978-0-13-231681-1

- Brassard, G. and Bratley; P.: "Fundamentals of algorithmics". Prentice Hall, (1996), Isbn: 978-0-13-335068-5

Aldizkariak