Objektuei orientatutako programazioaren oinarri nagusiak ulertu eta ezagutzea, hala nola:

- Klaseak eta Objektuak.

- Modulartasuna, kapsulaketa, informazioaren ezkutatzea (pribatutasuna).

- Generikotasuna eta datu-egitura generikoak.

- Objektuei orientatutako programazioko kontzeptu aurreratuak: herentzia, polimorfismoa eta lotura dinamikoa (dispatching-a), klase eta eragiketa abstraktuak, interfazeak.

- Salbuespenen tratamendua.

-Diseinuko patroiak: Singleton eta Iterator patroiak.



Ikastaroaren amaieran, ikaslea gai izango da programak egiteko, ikasitako printzipio eta metodologiak aplikatuz.

1. Java programazio-lengoaia: sarrera, oinarriak.

2. Sarrera: Softwarearen ingeniaritza.

3. Modulartasuna. Softwarearen berrerabilpena. Datu-egitura generikoak.

3. Objektuei orientatutako programazio aurreratuta.

5. Erroreen tratamendua. Salbuespenen tratamendua.

6. Diseinu patroiak: Singleton eta Iterator patroiak.

Irakasgai honetan aurrez aurreko zein bertaratu gabeko lan-orduak aurreikusten dira. Aurrez aurreko hiru jarduera mota aurreikusten dira: eskola magistralak, ariketa-eskolak eta laborategi-saioak.

Bistan dago ikaslearen parte-hartzeak azken bi jarduera-motetan garrantzi handiagoa duela helburu diren gaitasunak eskuratze aldera, baina, hala ere, eskola magistraletan ere ikasleak parte har dezan bultzatuko da, dela galderen bidez, eztabaidetan esku hartuz eta abar. Irakasgaian, beraz, metodologia aktiboak erabiliko dira.

Ariketa-eskolak nahiz laborategiak aurrez aurreko saioetan gauzatuko dira batez ere, baina bertaratu gabeko lanaz osatuko dira. Bertaratu gabeko orduak prestakuntza-lana egiteko eta klasean egindakoa osatzeko erabiliko dira. Zenbaitetan, ikasleak ariketak eta praktika txikiak egin beharko ditu, eta horietako batzuk ebaluatu egingo dira azken notari begira. Tutoretza-orduak ere izango dira, ikasleari laguntza pertsonalizatua eskaintzearren.

Irakasgaia bi modutan ebaluatu daiteke: AZKEN ebaluazioa edo ebaluazio JARRAITUA.

Ebaluazio JARRAITUTIK AZKEN ebaluaziorako urratsa egingo da, bai ikasleen borondatez (irakasleari jarritako epeen barruan jakinaraziz), bai ebaluazio jarraituan eskatutako gutxieneko baldintzak ez badira betetzen (partzial bakoitzean gutxienez 3 atera beharko da 10etik).





** Ebaluazio JARRAITUA**

Ikasle guztiak ebaluazio JARRAITUAN ebaluatuak izango dira besterik adierazi ezean. Bertan mantentzeko, irakasgaiko etengabeko jarraipena egin beharko da: bertaratze (% 80tik gorako asistentzia gomendatzen da) eta irakasleak proposatutako jarduera guztiak egitea.

Ebaluazio JARRAITUan egindako jarduera bakoitza Zati PRAKTIKO (ZP) edo Zati TEORIKO (ZT) baten barnean egingo da.

Ebaluazio jarraituan ondorengo pisuak hartu beharko dira kontuan:

- Zati TEORIKOA (ZT): idatzizko zenbait proba lortutako ezagutza eta trebetasunak ebaluatzeko, % 80eko pisu totalarekin.

- Zati PRAKTIKOA (ZP): ikasturtean zehar egindako lanak % 20eko pisu totalarekin.

- NOTA FINALA (NF) irizpide hau aplikatuta lortzen da: baldin (ZT >= 4 10en gainean eta partzial bakoitzaren nota >=3 10en gainean) orduan NF = ZT*0,8 + ZP * 0,20. Gainditua kontsideratuko da, noski, NF >= 5 bada. Beste edozein kasutan, NF = GUTXIEGI.

Irakasgaia gainditzeko, ezinbestekoa da gutxienez 4 puntu lortzea (10etik) Zati TEORIKOAn. Jakina, irakasgaia gainditzeko beharrezkoa da 10 puntutik 5 lortzea gutxienez Zati TEORIKO eta PRAKTIKOAREN batezbesteko nota ponderatuan.



Ebaluazio jarraituan, irakasleek informazio osagarria eskatu ahalko diete ikasleei, jardueren garapen egokia egiaztatzeko.



** AZKEN ebaluazioa **

Irakasgaiaren nota idatzizko proba baten bidez lortuko da, zentroak programatutako deialdiaren data ofizialean.





UKO EGITEA

• Ebaluazio JARRAITUan - Azken azterketa partziala egiten ez bada.

• AZKEN ebaluazioan – Zentroak programatutako deialdi ofizialeko azterketa egiten ez bada.

Irakasgaiko gela birtualean (eGela-n) atzigarri dagoen materiala.

Oinarrizko bibliografia

[Bell et al., 92] Software Engineering (2nd. ed.).

D. Bell, I. Morrey, J. Pugh. Prentice-Hall, 1992.



[Booch, 94] Análisis y diseño orientado a objetos con aplicaciones.

G. Booch. Addison Wesley, 1994.



[Deitel, 08] Como programar en Java.

Harvey M. Deitel, Prentice Hall Mexico, 2008. ISBN 9789702611905.



[Durán et al., 07] Programación Orientada a Objetos con Java.

F. Durán, F. Gutiérrez, E. Pimentel. Thomson, 2007.



[Ellis, 91] Data Abstraction and Program Design.

R. Ellis. Pitman, 1991.



[Fowler, 04] UML distilled: a brief guide to the standard object modeling language.

M. Fowler. Ed. Addison-Wesley, 2004.



[Liskov & Guttag, 01] Program Development in Java.

B. Liskov, J. Guttag. Addison-Wesley, 2001.



[Meyer, 99] Construcción de software orientado a objetos (2ª ed.).

B. Meyer. Prentice-Hall, 1999.



[Rowe, 98] An introduction to Data Structures and Algorithms with Java

G.W. Rowe. Prentice-Hall, 1998.



[Barnes & Kölling, 16] Objects First with Java: A Practical Introduction using BlueJ (6th Edition).

David J. Barnes & Michael Kölling. Pearson, 2016



[Kölling, 16] Introduction to Programming with Greenfoot: Object-Oriented Programming in Java with Games and Simulations (2nd Edition).

Michael Kölling. Pearson, 2016

Gehiago sakontzeko bibliografia

[Eckel, 07] Piensa en Java.
B. Eckel, Prentice-Hall, 2007. ISBN 9788489660342.

[Froufe, 00] Java 2. Manual de usuario y tutorial.
A. Froufe. Ra-Ma, 2000.

[Meyer, 09] Touch of Class. Learning to program well with Objects and Contracts.
B. Meyer, Springer, 2009. ISBN 978-3-540-92144-8

[Sánchez et al., 05] Java 2. Iniciación y Referencia (2ª ed.).
J. Sánchez , G. Huecas, B. Fernández, P. Moreno. Ed. Mc Graw-Hill, 2005.

Aldizkariak

http://geosoft.no/development/javastyle.html