Irakasgai hau egin ondoren, gaitasun hauek lortu behar dira:

- Programek dituzten jokabideak aztertzeko eta azaltzeko gaitasuna: esleipenak,

S/Iko eragiketak, iterazioak, azpiprogramak.

- Problema bat bereiz konpon (programatu) daitezkeen zati logikoetan zatitzeko gaitasuna

- Problemak ebazteko, inplementatzeko, probatzeko eta arazteko algoritmo errazak diseinatzeko gaitasuna. Jardunbide egokiko arau batzuen arabera kodea idazteko gaitasuna.

- Arazo bat konpontzeko datu-mota eta egitura egokienak ezagutzea, diseinatzea eta eraginkortasunez erabiltzea.

- Teknologia informatikoen oinarrizko prozedura algoritmikoak ezagutzea, problemetarako irtenbideak diseinatzeko, proposatutako algoritmoen egokitasuna eta konplexutasuna aztertuz.

1 gaia: Sarrera

Gai honeetan honako hauek azaltzen dira: programazioa zer den, programazioaren helburuak zeintzuk diren, algoritmoaren garrantzia, programazioaren faseak (zehaztapena, algoritmoaren diseinua, programaren idazketa eta proba). Era berean, programazio-lengoaia desberdinak eta horien ezaugarriak azaltzen dira.



2 gaia: Programazioaren oinarrizko kontzeptuak

Gai honetan, pseudokodea erabiliz algoritmoak nola idazten diren eta programa sinpleak nola inplementatzen diren aztertzen da. Zehazkiago, oinarrizko espresio eta jarraibideak ikusten dira.



3 gaia: Azpiprogramen diseinua

Gai honetan, programazio-lengoaia jakin batekin hasiko gara lanean, lehenik pseudokodon ikusitakoa berrikusiz eta programazio-lengoaiara egokituz. Gai honi dagokionez, bereziki azpiprogramei dagozkien alderdi guztiak aztertuko dira; azpiprogramen zehaztapena: funtzioak eta prozedurak, sarrera parametroak eta sarrera-/irteera-parametroak, aurrebaldintza eta ondorengo baldintza, parametro formalak eta parametro errealak, aldagaien eremua eta ikusgarritasuna.



4 gaia: Kontrol-egiturak eta algoritmoen eskemak

Gai honetan, zer jarraibide eta zenbat aldiz exekutatzen diren kontrolatzeko aukera ematen duten baldintzazko eta iteraziozko egiturak aurkezten dira. Gainera, datu-sekuentziak prozesatzea eskatzen duten programak garatzeko erabiliko diren irtenbide-eskemak aztertuko dira.



5 gaia: Datuen egiturak

Gai honetan arazo ezberdinak ebazteko erabili daitezken datu-egitura ezberdinak jorratzen dira: bektoreak eta taulak, matrizeak, erregistroak, zerrendatutako motak eta horien guztien konbinazioak erabiltzen diren kasuak erakusten eta aztertzen dira.

Eskola magistraletan kontzeptuak azaltzeko (adibideekin indartuta) eta ariketak ebazteko (banaka, taldeka, arbelaren gainean, etab.). ) saioak tartekatuko dira.



Laborategietan, aldez aurretik banatutako ariketa batzuk binaka ebatzi, eta ebaluatuak izateko entregatu beharko dira. Aldez aurretik prestatu behar dira ariketa horiek. Laborategi batzuetan, banakako kontrolak egingo dira, orain arte emandako edukien barneraketa egiaztatzeko.

OHIKO deialdian irakasgaiaren ebaluazioa etengabeko ebaluazioaren edo azken ebaluazioaren bidez egiten da. Besterik adierazi ezean, ikasle guztiek etengabeko ebaluazioa egingo dute, hari uko egiten ez badiote behintzat.



* AZKEN EBALUAZIO BIDEZKO EBALUAZIOA

Ikasleak etengabeko ebaluazioari uko egitea erabaki dezake azken ebaluazioa egiteko. Ukoa idatziz aurkeztu beharko zaie irakasgaiaren ardura duten irakasleei, ikasleen ebaluazioarorako arautegiaren 8. artikuluan ezarritako epeetan. Ez da onartuko salbuespenezko kasurik, ezta ebaluazio jarraituari uko egiterik ere, horretarako jarritako daten ondoren.



* ETENGABEKO EBALUAZIO BIDEZKO EBALUAZIOA:

Irakasgaiaren ebaluazio lehenetsia etengabeko ebaluazio bidez egingo da, horri uko egin dioten ikasleentzat izan ezik.



Irakasgaiaren azken nota lauhilekoan egingo diren azterketen,ikasturtean zehar entregatutako laborategien eta laborategiko banakako ariketen arabera kalkulatzen da. Azterketak ikastaroan garatutako ezagutza teorikoak eta praktikoak, eta aplikazio errazak garatzeko gaitasuna ebaluatzen ditu.



Hauek dira azken notako zatien pisuak.

* Azterketak: %55

- Idatzizko proba, lehen lau gaiei buruz. (%20)

- Gai guztiei buruzko azken proba (%35)

* Taldean entregatutako laborategiak: %20

* Laborategiko banakako ariketak: %25



* KALIFIKAZIOA AKTETAN:

Etengabeko ebaluazioari uko egin ez dioten ikasleak OHIKO deialdian aurkeztu direla ulertuko da.



Ikasgaia gainditzeko, ikasleak azterketa guztiak egin behar ditu, eta 10etik 5 puntu lortu gutxienez. Gainera, 10etik 4.5 puntuko bataz besteko haztatua (10etik) azterketetan, eta azterketa bakoitzean gutxienez 3 eta 4 puntu , hurrenez hurren, azken notan ebalua daitezkeen gainerako elementuak kontuan hartzeko. Irizpide horiek betetzen ez badituzte, azterketetako bataz bestekoa izango da nota (gehienez ere 4 puntu).



* AZTERKETA-ESKUBIDEARI UKO EGITEA

Azken ebaluazioa hautatu eta OHIKO deialdira aurkezten ez den ikasleak "AURKEZTU GABE" kalifikazioa izango du. Etengabeko ebaluazioa egiten duten ikasleek deialdiari uko egin diezaiokete, ikasleen ebaluazioari buruzko araudiaren 12. artikuluan ezarritakoaren arabera.





* KOPIA/PLAGIO KASUAK

Ikasleen ebaluazioari buruz indarrean dagoen araudiaren 11. artikulua aplikatuko da. Kopia edo plagio kasuetan parte hartzen duten ikasle guztiek deialdia suspendituko dute.

1.- Irakasgaiari dagokion materiala: apunteak, gardenkiak, ariketa-zerrenda, laborategien enuntziatuak, etab.
2.- eGela edukien eta irakaskuntzaren kudeatzailearen bidez ikasgaiaren orrian sar daitekeen materiala.

Oinarrizko bibliografia

"Una Introducción a la programación. Un enfoque algorítmico". J.J.Garcia, F.J. Montoya,J.L Fernandez, M.J. Majado

Thomson Ed. 2005

"Oinarrizko Programazioa. Ariketa-bilduma" Díaz de Ilarraza A., Sarasola K.

Udako Euskal Unibertsitatea, 1999.

Gehiago sakontzeko bibliografia

"La práctica de la programación". B.W. Kernighan, R. Pike.
Prentice Hall. Ed, 2000.
Code Complete: A Practical Handbook of Software Construction. Steve McConnell.
Microsoft Press, 2004.