Fakultateko idazkaritza berrantolatu egin da, arreta zerbitzu antolatuagoa eta koordinatuagoa eskaintzeko.

Berrantolaketa uztailaren 4an hasiko da martxan, eta idazkaritzen kokapen berria hau izango da:

• Fakultateko Graduetako Idazkaritza HEFA II eraikinean egongo da (Oñati plaza 3, Donostia).
• Fakultateko Master eta Graduondokoen Idazkaritza HEFA I eraikinean egongo da (Tolosa hiribidea 70, Donostia).

Fakultateko 6 graduetako izapide guztiak HEFA II eraikinean (Oñati plaza 3) egingo dira. Era berean, Masterreko, Doktorego Programetako eta Berezko Tituluetako izapide guztiak HEFA I eraikinean kudeatuko dira (Tolosa hiribidea 70, Donostia).

Aldaketa horrek egokitzeko ahalegina eskatuko digu guztioi, eta horregatik aldez aurretik eskertzen dugu Fakultateko langileen eta ikasleen lankidetza.