Aspaldi dago euskara Pirinioez bi alderdietan kokaturik, inguruko hizkuntza erromantzeak baino lehenagotik. Europako hizkuntza bakartu bakarra da, hots, ez du ahaide ezagunik. Inoizko familia zabalago baten parte ote da? Beste hizkuntzaren batekin ahaidetuta ote dago? Noiztik dago lurralde hauetan? Zientziarentzat erantzunik gabeko galderak dira. Areago, euskararen enigma ez da haren jatorriarena bakarrik: historian zehar nola eta zergatik iraun duen ere ez dakigu xuxen.
Graduan euskara sakontasunez ezagutuko duzu. Prestakuntza lortuko duzu hizkuntzalaritzan eta literaturan, eta euskararen hainbat alderdi landuko dituzu; adibidez, gramatika, historia, dialektologia, testuen tradizioa, soziolinguistika edo didaktika.
Gainera, hainbat ibilbide egin ditzakezu aukeran: Euskal Literatura eta Filologia, Hizkuntzalaritza, Euskal Hizkuntzalaritza, Euskal Herriaren Historia, Europar Literatura eta Kultura, eta Bigarren Hizkuntza (alemana, hizkuntza klasikoak, gaztelania, frantsesa, ingelesa eta errusiera). Zure prestakuntza osatzeko, borondatezko kanpo praktikak egin ahal izango dituzu enpresa eta erakunde publikoetan.
Ezagutza arloa
Arteak eta Giza Zientziak
Ikastegia
Campusa
Araba
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Alemana, Arabiera, Errusiera, Euskara, Frantsesa, Galiziera, Gaztelania, Greziera modernoa, Ingelesa, Italiera
Irakaskuntza mota
Ikasgelako gradua
Kredituaren prezioa 1. matrikulan
13,42 €
Gutxieneko nota
9,192 ohiko deialdian (2024/25)
Eskainitako plazak
80 plaza
![](https://www.ehu.eus/documents/38530971/38602050/grado_en_estudios_vascos_RAZONES-424x430.jpg/f0c0313b-e689-f42f-033f-28d18277e7d9?t=1516181807000)
4 arrazoi gradu hau aukeratzeko
- Ikasketa plan osatua, dialektologia, gramatika edo literatura bezalako gaiak barne dituena.
- Espezializazioa aleman, hizkuntza klasiko, gaztelania, frantses, ingeles eta errusieran.
- Punta-puntako laborategiak (psikolinguistika, fonetika…) Letren Fakultatean eta Micaela Portilla ikergunean.
- Egonaldi akademikoak nazio eta nazioarteko unibertsitateetan: Erresuma Batua, AEB edo Australia eta abar.
Sarrera-profila
Euskal kultura eta euskara interesatzen bazaizkizu, haien alderdi guztiak sakon ezagutu nahi badituzu, irakurketaz gozatzen baduzu, eta ahozko nahiz idatziko komunikazio gaitasunak badituzu, Euskal Ikasketetako Gradua aukera ezin hobea da zuretzat.
![](https://www.ehu.eus/documents/38530971/38602050/grado_en_estudios_vascos_SALIDAS-424x510.jpg/42e5176d-65f1-01c1-197a-9056727c7aa1?t=1516181808000)
Irteera profesionalak
Lana hainbat arlotan aurkitzeko aukera izango duzu, hala nola:
- Irakaskuntza (bigarren hezkuntza eta unibertsitatea, akademiak eta hizkuntzak ikasteko zentroak)
- Hizkuntzalaritza eta literatura ikerketa
- Hizkuntza eta literatura aholkularitza eta plangintza
- Testuen edizioa eta zuzenketa; argitalpenen industria
- Produkzioa, dokumentazioa eta multimedia euskarrien dibulgazioa
- Kultura zerbitzuentzako aholkularitza teknikoa eta kudeaketa, hizkuntza eta kultura bitartekaritza
- Sormen idazketa eta literatur kritika
- Itzulpengintza eta Interpretazioa