-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Zientzia Astea 2023 heltzear dago!
- Ekitaldia
Noiz eta non
Noiztik: 2023/10/30 Noiz arte: 2023/11/12
![](https://ehu.eus/documents/10136/0/convocatoria-zientzia-astea_dest1.jpg/6d0b56a6-75ce-c463-35bc-395125194c9e?t=1698750207325)
Deskribapena
Zientzia, Teknologia eta Berrikuntzaren Astea heltzear dago eta Euskal Herriko Unibertsitateak antolatzen du, inguruan dutenari buruz jakin-mina duten guztiek –gazteek zein helduek, umeek zein nerabeek– aukera izan dezaten zientzia lanbide dutenekin zientzia ikusi, entzun, sentitu eta horretaz berba egiteko.
Edizio honek “Osasun Planetarioa” (osasuna eta jasangarritasuna) izango du ardatz, landareen eta animalien osasungarritasuna zuzenean lotuta baitago giza osasunarekin. Tailerrak, hitzaldiak, erakusketak, lehiaketak, monologoak, irteerak, bisita gidatuak eta hamaika gauza gehiago aurkituko dituzu Bilboko Bizkaia Aretoan, Donostiako Tabakaleran, Gasteizko Bibat Museoan, Gasteizko Ingeniaritza Eskolan eta Barakaldoko Clara Campoamor Zentro Zibikoan azaroaren 8tik 12ra, XXIII. Zientzia Astean.
Botanika, arkeologia, astronomia, jarduera fisikoa, geologia, kimika, ingurumena, robotika, historia, automozioa, pintura, fisika, hizkuntza, biologia, matematika… Horiek dira Zientzia Astean gertutik eta modu praktikoan eta ludikoan ezagutu ahal izango dituzun zientzia arloetako batzuk. Izena eman gure weborrian: zientzia-astea.eus/eu
Jakin-min apur bat eta ondo pasatzeko gogoa: ez dugu gehiagorik behar Zientzia Astera hurbiltzeko. Zure adina edozein dela, ziur interesatzen zaizun zerbait topatuko duzula, eta txundituko zaitu. Zure zain gaude!
Arakatu gure programak: