-
Ereño Gorria kareharria da mundu mailako ondarea osatzen duten 50 harrietako bat
-
20.000 lagun inguruk egin dute aurretiazko izen-ematea UPV/EHUn gradu ikasketak egiteko
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
UPV/EHUk Udaberriko Harrera Egunetara gonbidatzen ditu ikasleak
- Ekitaldia
Noiz eta non
Noiztik: 2024/02/19 Noiz arte: 2024/02/21
Kokapena
Vitoria-Gasteiz (Araba)
Leioa-Erandio (Bizkaia)
Donostia / San Sebastián (Gipuzkoa)
Deskribapena
Euskal Herriko Unibertsitateak bigarren lauhilekoaren hasiera ospatuko du datozen egunetan Udaberriko Harrera Egunekin. Ikasle guztiek parte har dezakete hiru campusetako Ongietorri Jardunaldietan, eta, jai-giroan, sakonago ezagutu dezakete zein Nazioarteko Harremanen programa eskaintzen diren, hurrengo hilabeteetarako antolatutako kultura- eta kirol-jarduerak, zein ikasle-elkartetan parte har dezaketen edo zein graduondoko ikasketak egin ditzaketen. Horretarako, hitzaldiak eta informazio-mahaiak antolatu dira, eta dibertsiorako tartea ere egongo da, taloak eta edariak, kontzertuak, erakusketak eta programatutako proiekzioak eskainiko dituzten txosnei esker.
Era berean, ekitaldian ongietorria emango zaie beste unibertsitate batzuetako 1.427 ikasleei, 1.232 nazioartekoei (820 Erasmus+ programan eta 412 UPV/EHUren programetan) eta 195 SICUE programan. Ikasle horiek gutxienez lauhileko bat egingo dute UPV/EHUn.
Ongietorri Jardunaldiak otsailaren 19an Gipuzkoako Campusean; otsailaren 20an Bizkaiko Campusean, eta otsailaren 21ean Arabako Campusean izango dira.
Programa osoa ikusteko: Udaberriko Harrera Egunak