-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Bordeleko ikasleek Arabako Campusa bisitatu dute
Ikasleek Lascaray ikerguneak emandako Enologia Berritzailea masterrean hartu dute parte
- Kronika
Lehenengo argitaratze data: 2017/12/05
![](https://ehu.eus/documents/10136/8379276/enologia+web.jpg/287a00ed-64bc-f6d8-e19a-9a37c55d320a?t=1512466398000)
Bordeleko “Master of Business and Science in Vineyard & Winery Management de L’Ecole Nationale Supérieure des Sciences Agronomiques” masterreko 32 ikasle Universidad del País Vasco/Euskal Herriko Unibertsitateko Arabako Campusera bertaratu dira UPV/EHUren Enologia Berritzailea masterreko “Ardogintzaren kudeaketa” ikasgaian parte hartzeko. Bi masterren artean dagoen hitzarmenari esker, masterreko titulu bikoitza eskuratzeko aukera dago; gainera, batera matrikulatzeko abantailak eskaintzen ditu eta tesiak tutorekidetzan egiteko elkarlana ahalbidetzen du.
Taldea osatzen duten 32 ikasleen artean —18 nazionalitate diferentekoak— profil profesional diferenteko pertsonak bildu dira, guztiak bat etorriz enologian eta mahastizaintzaren kudeaketan duten interesean. Moldaerraztasun horri esker, sektore honetan irtenbide profesional gehiago aurkitzeko aukera dute.
Hainbat mahastizaintzako ustiapen eta upategi bisitatzeaz gain, Lascaray ikergunera bertaratu ziren UPV/EHUko Analisi Sentsorialeko Laborategia eta Arabako Campuseko gune honetako instalazio zientifikoak sakonean ezagutzeko. Bisita UPV/EHUko Enologia berritzailea masterreko arduradunek (Patxi Perez Elortondo, Iñaki Etaio eta Azucena Vicente) zuzendu zuten. UPV/EHUko master horretan kolaboratzaile diren Neiker-en eta HAZI Fundazioaren instalazioak ere bisitatu zituzten.
Enologia berritzaileko masterraren eskola teorikoak urtarriletik ekainera ematen dira eta, ondoren, mahastizaintzako eta ardogintzako enpresetako praktikekin eta master amaierako lan batekin osatzen dira.
Informazio gehiago nahi izanez gero: UPV/EHUko Enologia Berritzailea masterra