-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Andoni Sáenz de Buruaga, Enrique Eguren Sariaren irabazlea
- Kronika
Lehenengo argitaratze data: 2016/12/20
![](https://ehu.eus/documents/10136/6317486/Andoni+S%C3%A1enz+de+Buruaga+2.jpg/3b8845b8-d7ae-4f49-91b3-030326880e57?t=1482234560000)
Arabako Arkeologia Institutuak Andoni Sáenz de Buruaga Blázquezi eman dio 2016ko Enrique Eguren Saria, arkeologiaren alorrean egin duen ibilbideagatik eta mendebaldeko Saharan egin duen lanagatik.
Arabako Arkeologia Institutuak XX. mendearen bigarren erditik gaur arte arkeologiaren inguruan egindako ikerlanak saritzeko asmoz sortu zuen ohorezko sari hau. Saria bi urtean behin ematen da, eta Enrique Eguren arkeologo arabarraren (1888-1944) izena darama, hark Araban egin zituen ikerketa arkeologikoen oroigarri.
2016ko Enrique Eguren Saria Universidad del País Vasco/Euskal Herriko Unibertsitateko arkeologoari eman zaio, orain arte etengabe egin duen ikerketa lanagatik eta ahaleginagatik, argitaratu dituen ikerketengatik, egin duen irakasle lanagatik eta emaitzak gizartean zabaltzeko izan duen arduragatik. Haren ikerlanei esker, gehiago sakondu ahal izan da Arabako historiaurrean eta oro har arkeologian, baita mendebaldeko Saharan landu duen arkeologia eta etnografia proiektuan ere.