Euskal Herriko Unibertsitateak bat egingo du aurten ere Kirolaren Europako Astearekin, unibertsitateko kolektiboen artean jarduera fisikoa eta kirola sustatzeko kanpaina batekin.

Horretarako, askotariko jarduera programa antolatu da UPV/EHUren campusetan, eta webgunean kontsulta daiteke.

Aipagarrienen artean, aipatzekoa da Bizkaiko Campusak Kirolaren Eguna ospatu duela irailaren 27an, asteazkenean, eta Arabako Campusak eta Gipuzkoako Campusak, berriz, irailaren 28an, ostegunez.

Gainera, urriaren 1ean, igandez, Tipi Tapa lasterketaren edizio berri bat egingo da, Bilboko Ingeniaritza Eskolatik abiatu eta Leioa-Erandioko UPV/EHUren Unibertsitate Kiroldegira iritsiko den oinezko martxa ez lehiakorra.

Eguneko irudi guztiak Photocampus atalean ikus ditzakezu.

Zuk egindako irudi bat argitaratzea nahi duzu atal honetan? Bidal iezaguzu, mesedez, helbide honetara: campusa@ehu.eus