-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
20.000 lagun inguruk egin dute aurretiazko izen-ematea UPV/EHUn gradu ikasketak egiteko
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
In memoriam: Cristina Olender
Medikuntzako ikaslea UPV/EHUn
- Kronika
Lehenengo argitaratze data: 2024/03/26
![](https://ehu.eus/documents/10136/51600144/cristina-olender-obituario_web.jpg/d8b02d3a-d59d-6c01-d743-1854a960c3bf?t=1711367811330)
Martxoaren 6an, Cristina Olender zendu zitzaigun, UPV/EHUko Medikuntzako ikaskide eta lagun maitea.
Kemena, ausardia, maitasuna eta alaitasuna izan dira beti Crisen bereizgarriak. Zorionekoak gu, Cris ezagutzeko aukera izan dugulako. Mundua iraultzen zuen irribarre hutsaz. Eta haren borroka nekaezina adorearen isla da; agerian uzten digu zer nolako kemena ematen duten gogoak eta ilusioak. Izan ere, harri koskorrek ez zioten bidean aurrera egitea oztopatzen.
Elkar ezagutu genuenetik, aurrera jarraitzeko bultzada eta animoa eman digu Crisek, eta hemendik aurrea geuk eutsiko diogu hark utzitako sugarrari. Beti izango dugu gogoan, eta beti izango da gure bizitzaren parte.
Crissy, eskerrik asko argia izateagatik; mediku eta pertsona hobeak gara zuri esker.
Zure lagunak.