COVID-19a gerarazteko hartu diren neurriekin, herritarren eskubideak eta askatasuna nabarmen murriztu dira. Pilar Nicolás (Zuzenbidea), Antonio Casado da Rocha (Etika) eta Luis Carlos Abecia (Osasun Publikoa) adituei egin diegu kontsulta, erabaki horiei eta neurriak arintzeko hartu daitezkeenei buruz iritzia eman dezaten.
-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Alarma egoera: noraino mugatu ditzakete zure eskubideak?
Adituei galdetu diegu zer iritzi duten Espainiako gobernuak COVID-19ari aurka egiteko hartu dituen neurriei buruz
- Erreportajeak
Lehenengo argitaratze data: 2020/04/28
![](https://www.ehu.eus/documents/10136/14416702/debate_web.jpg/6506a5f3-9567-cae4-6779-fbea0102d885?t=1588177217000)
Espainiako gobernuak alarma egoera ezarri zuen pasa den martxoaren 14an, eta eskubideak eta askatasuna nabarmen murriztu zituen estatu osoan. Horrek distopia bati eman zion bide; Orwellen 1984 ez zen zientzia fikzioa, errealitatea baizik.
Neurriok laster arinduko direnez, mundu osoko gobernuek, tartean, Espainiakoak, herritarrak mugikorren bidez geolokalizatzeko teknologiak erabiltzea dute asmo, edo Noeren arkak sortzea, gaitza duten pertsona sintomagabeak isolatzeko euren bizitokiez kanpo.
Alabaina, mendebaldeko demokrazien joko arauak kontuan hartuta, ezin daitezke hartu bestelako erregimenetan bezalako neurriak, eta koronabirusaren hedapena kontrolatzeko neurri murriztaileak hartzeari buruzko eztabaida puri-purian dago.
Carolin Emcke filosofo alemaniarrak gaztigatu duenez, “pandemiak agintekeriari bide eman diezaioke, errepresiorako eta datu digitalen bitartez zaintza totalitariorako abagune gisa hartu dezaketelako zenbaitek”; are gehiago, Europako gobernuren batek jaso du jada Europako Batzordearen abisua, COVID-19aren aitzakian joera antidemokratikoetara lerratzeagatik.
Noraino iristen dira banakoen askatasuna eta eskubideak, eta noraino gobernu baten horiek mugatzeko ahalmena, osasun publikoa bermatzeko oinarrizko printzipioaren mesedetan?
Espainiako gobernuak hartu dituen erabakien zilegitasunari buruz iritzia emateko eskatu diegu Pilar Nicolás doktoreari (Zuzenbideko irakaslea eta Zuzenbidea eta Giza Genoma katedrako ikertaldeko kidea), Antonio Casado da Rocha doktoreari, ETICOP (Praktikako Komunitateetako Etika) ikertaldeko ikertzaile nagusi eta kideari eta Luis Carlos Abecia Inchaurregui doktoreari (Prebentzio Medikuntza eta Osasun Publikoa saileko irakasle titularra eta Osasun Publikoa Masterreko arduraduna).
![]() |
Zuzenbidetik ikuspuntu bat Pilar Nicolás: «Datuak, teknologia eta eskubideak XXI. mendeko pandemia batean» |
![]() |
Etikatik ikuspuntu bat Antonio Casado Da Rocha: «Askatasunaren prezioa» |
![]() |
Osasun Publikotik ikuspuntu bat Luis Carlos Abecia Inchaurregui: «Koronabirusa eta osasun publikoa vs. askatasuna eta erantzukizuna» |