Tituluaren gakoak
Mikroelektronikako masterraren helburua da profesionalak prestatzea mikroelektronikaren, gailu eta sistema erdieroaleen eta sistema elektronikoen arloan.
Masterraren egiturak ikuspegi praktiko bat planteatzen du, irakasgai gehienbat praktikoak, elkarlaneko bi proiektu eta master amaierako lan bat dituela. Industria inguruneko enpresetan edo nazioarteko ikerketa guneetan praktikak egiteko aukera eskaintzen du. Teknologia Mikroelektronikoaren Institutuak sustatzen du, Teknologia Elektronikoa Saila (Bilboko eta Gasteizko Ingeniaritza Eskolak) eta Elektrizitate eta Elektronika Sailarekin (Zientzia eta Teknologia Fakultatea) bidelagun dituela. Masterrak bide eskaintzan dio ikasleari laborategian 400 ordutatik gorako esperientzia eskuratzeko.
Masterrak jakintza ematen du fabrikazio mikroelektronikoko eta elektronikoko prozesuen arloan, bai eta ikerkuntzan zein industrian, gailuen diseinuan eta fabrikazioan, areto zurietan, erdieroaleen karakterizazio laborategietan edo mikrokontrolagailuan oinarritutako sistema elektronikoen diseinuan eta fabrikazioan lan egiteko gaitasuna ere.
Era berean, "Mikroelektronikan aditua" titulua lortzeko aukera aurkezten du aurretiko unibertsitate ikasketarik izan gabe, kreditu karga murriztua eginez.
