JAIME ALTUNA RAMIREZ

Ezagutza arloa

Soziologia

Saila

Soziologia eta Gizarte Langintza

Ikastegia

Gizarte eta Komunikazio Zientzien Fakultatea

Posta elektronikoa

jaime.altuna@ehu.eus

Gizarte Antropologian graduatua EHUn eta “Ikasketa Feministak eta generokoak” masterra burutua.

Ibilbide profesional luzea garatu dut haur eta gazteen heziketarako programetan 1994. urtetik aurrera mota ezberdinetako lanak burutuz. Ibilbide horretan heziketa, jolasa eta hizkuntza uztartzen dituzten egitasmoetan aritu naiz esku-hartze programa, argitalpen, hitzaldi, formazio eta ikerketa eginez.

Une honetan Balioen Filosofia eta Gizarte Antropologia Sailean doktoregai naiz Eusko Jaurlaritzaren doktoretza-aurreko beka baten bidez eta Antropologia Feminista Ikerketa Taldeko (AFIT) kidea naiz. Lan esparru horretan azken hiru urtetan ikerketa hauetan parte hartu dut: “D ereduko kirola: ikerketa-ekintza proiektua” (2016-2018), “Euskara generoaren ispiluan barrena: hizkuntza praktikak, bizipenak eta gogoetak Lezo eta Pasai Donibaneko gazteen artean” (2016), ”Gu gazteok: 12-14 urteko gazteen hizkuntza egunerokotasunera hurbiltzeko ikerketa partehartzailea” (2016) eta “Maitasun deserosoak. Euskal Herriko zenbait gizonen bizipenak eta gogoetak” (2015).

Horretaz gain, Josu Ozaita antropologoarekin batera “Itzalitako kalabazen berpiztea. Arimen Gau, Halloween eta Gau Beltzaren haur-ospakizunen ikerketa etnografikoa” burutu dut izen bera duen liburua 2018 urtean argitaratuz.

Ikerketa egonaldiak egin ditut Cardiffeko Unibertsitateko School of Welsh-en (2018) eta Galwayko Unibertsitateko Moore Institute-n (2019).

• Curriculum Vitae