Tituluaren gakoak
Graduondoko formazio honek Unibertsitateko Aditu Titulua (15 ECTS) eskainiko die parte hartuko duten ikasleei. Helduaroan hizkuntza ikasi eta irakasteak dituen zailtasun eta baldintzei erantzun egokia emango dieten profesionalak prestatuko ditu. Horretarako, bigarren hizkuntzen ikasketa-prozesuak, prozesu horietan eragiten duten alderdi kognitiboak landuko dituzte ikasleek, edo komunikagaitasuna nola lortu helduaroan bigarren hizkuntza bat ikastean. Euskara ikas-irakastean ezagutu beharreko beste alderdi hauek ere bereganatuko dituzte: Helduen euskalduntzearen curriculuma, ebaluazioa eta egiaztatzegintza; eta oro har bigarren hizkuntzaren eta, zehazki, euskararen ebaluazio eta egiaztatzegintzarako erreferentziazko erakundeak; helduen irakaskuntzarako metodologia eta didaktika. Azkenik, helduei euskara irakasteko dugun antolamendu administratiboaz jabetuko dira: indarrean dagoen araudiaz, euskaltegien eta Etxepare Euskal Institutuaren antolaketaz.
