Tituluaren gakoak
Master honek eskaintzen du prestakuntza espezializatua eta pertsonalizatua Aho Kirurgiaren eta Inplantologiaren alorrean eta Aho Medikuntzaren eta Patologiaren alorrean. Ezagutza teoriko sendoak eta praktika kliniko zabala eskuratzen dira, arlo klinikoan, irakaskuntzan eta ikerketan esperientzia handia duten irakasleen eskutik. Horren bidez lortu nahi da prestakuntza egoki bat, espezialista gisa aho kirurgiako eta inplante bidezko errehabilitazioko oinarrizko tekniketan, bai eta prestakuntza sendo bat ere aho medikuntzan eta patologian.
Hasteko, lehen master bat egiten da, 60 ECTS kreditukoa, urtebetean zehar; gero, 120 ECTS kredituko bigarren master bat, prestakuntza espezializatua osatzeko arlo honetan.
Irakaskuntza teoriko-praktikoa, irakaskuntza klinikoa eta ikerketako prestakuntza emateaz arduratuko dira UPV/EHUko irakasle prestigiodunak, esklusiboki dihardutenak aho kirurgiaren eta inplantologiaren alorrean eta aho medikuntzaren eta patologiaren alorrean, bai eta unibertsitatetik kanpoko irakasleak ere.
