Matematika zientzia guztien oinarria da, eta ezinbesteko tresna, ingeniaritzan, medikuntzan, gizarte zientzietan edo natur zientzietan. Era berean, matematikaren prozedurak, algoritmoak, tresnak eta arrazonamendu eskemak gainerako diziplinetan ere erabiltzen dira. Bestalde, matematikak gure arrazonamendua garatzen, pentsamendu analitikoa lantzen laguntzen, eta gure adimena bizkortzen du, eta gainera, hainbat aplikazio ditu eguneroko bizitzan. Azken batean, matematikak mundua hobeto ulertzen laguntzen digu.
Matematikako Graduak gaitasuna emango dizu errealitatea modelizatzeko, baita askotariko lanbide eta enpresa arlotan problemak formulatzeko, analizatzeko eta ebazteko, arrazonamendu logikoaz baliatuta eta titulu honen aplikazio praktikoan arreta jarrita.
Bi aipamen eskaintzen dizkizugu aukeran espezializatzeko: Matematika Hutsa eta Matematika Aplikatua, Estatistika eta Konputazioa.
Horrezaz gain, Université de Pau et des Pays de l’Adourekin (Frantzia) titulazio bikoitza lortzeko aukera izango duzu.
Ezagutza arloa
Zientziak
Ikastegia
Zientzia eta Teknologia Fakultatea
Campusa
Bizkaia
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
13,67 €
Gutxieneko nota
11,956 ohiko deialdian (2024/25)
Eskainitako plazak
88 plaza
4 arrazoi gradu hau aukeratzeko
- Graduak kualifikazio handiko irakasleak ditu, beren ikerkuntza jarduna mundu mailan aintzatetsia dutenak.
- Euskaraz, gaztelaniaz eta ingelesezko irakasgaiak ikasi ahal izango dituzu.
- Egonaldiak egin ahal izango dituzu beste unibertsitate batzuetan eta titulazio bikoitza lortu.
- Askotariko irteera profesionalak: banka, finantzak, aseguruak, informatika, telekomunikazioak, aholkularitza, irakaskuntza, ikerkuntza, administrazio publikoa eta industria.
Sarrera-profila
Matematikako, logikako eta asmamenezko problemak ebazteak motibatzen bazaitu, pentsamendu abstraktu eta kalkulu sinbolikorako dohainak badituzu, eta analisi, estrukturazio eta sintesi gaitasun handia baduzu, modelizaziorako trebea bazara eta ezagutza zientifikoak eta teknikoak, eta matematikako eta fisikako nozioak badituzu, ez izan zalantzarik, Matematikako Gradua da aukera onena zuretzat.
Irteera profesionalak
Arlo hauetan lan egiteko aukera izango duzu:
- Informatika-enpresetan eta telekomunikazio-enpresetan
- Industria eta enpresen antolakuntza
- Banka, finantzak eta aseguruak
- Aholkularitza
- Ikerketa eta irakaskuntza
- Zientzia-dibulgazioa