Kontsumoa gizartearen, ekonomiaren eta gure bizitzen erroko prozesu bat bilakatu da. Irakasgaiaren helburua gizarte garaikideetako kontsumoari loturiko prozesu garrantzitsuenak ezagutu eta ulertzea da. Horretarako, marketinaren ikuspegia aberastuz, gizarte aldagai nagusiak eta kontsumoaren testuinguru aldakorrak ikuspegi soziologikoaren bitartez aztertuko dira. Ildo honetan, soziologiaren oinarrizko kontzeptu eta ekarpenetatik abiatuta, irakasgaiak gizarte garaikideetako kontsumoa ereduak teknologia berriekin; gizarte aldaketa eta prozesu demografikoekin; kulturak eta azpikulturekin; globalizazioa/glokalizazioarekin; edo ni-aren eraikuntzaren bezalako prozesuekin harremanetan jartzen ditu.

Azken hamarkadetako gizarte-aldaketen arabera marketinaren eta kontsumoaren ingurunea ulertzea.

Gizarte egitura ta prozesuek kontsumo-praktiken aldaketetan dituzten garrantzia aztertzea.

Kontsumo gizartea eta merkatu-estrategiak ikuspegi kritikoarekin interpretatzen jakitea.

Kontsumo-dinamikei buruzko argudio akademiko eta gogoetak idatziz eta ahoz azaltzeko gai izatea.

1. Ikuspegi soziologikoa

2. Kontsumo-gizartearen oinarriak

3. Aldaketa soziala, globalizazioa eta marketina

4. Demografia eta aldaketa demografikoen harremanak kontsumoa eta marketinarekin

5. Gizarte-estratifikazioa eta desberdintasuna: gizarte-klaseak eta kontsumo ohiturak

6. Kulturak eta azpikulturak: kontsumoa identitatea eta marketina

7. Teknologia berriak eta plataformen ekonomiaren eragina kontsumoan

Klase magistralen bitartez irakasleak gai bakoitza aurkeztuko du eta ideia nagusiak eta kontzeptuak azalduz, oinarrizkoak diren ezagutzak eskainiko dizkie ikasleei. Ezagutza hauek material osagarrien bitartez(artikulu akademikoak, egunkari berriak, eguneroko bizitzaren adibideak, web estekak, dokumentalak, serie atalak, etab) aberastu eta konplexoagotuko dira.



Bi mota nagusitan banatzen dira klase praktikoak:



a) Irakurketak, artikulu akademikoak, ikus-entzunezkoak etab erabiliz, banaka nahiz taldeka egin beharreko gelako edota ordenagailuko ariketak edo praktikak burutzea.



b) Gai edo kasu zehatzetan oinarrituriko banaka zein taldeka egin beharreko ahozko aurkezpenak.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Praktikak egitea (ariketak, kasuak edo buruketak) (%): 35
  • alde lanak (arazoen ebazpenak, proiektuen diseinuak) (%): 15

1. ETENGABEKO EBALUAZIO SITEMA



1.1 JARRAIBIDEAK



Ezinbesteko baldintza: ikaslea, gutxienez, irakastorduen % 80ra etorri beharko da.



Kalifikazio osoa honela lortuko da:



a) Praktikak, lanak eta aurkezpenak (banakakoak edo taldekoak): azken notaren %50

(Ohar garrantzitsua: irakasleak ezarritako epean emandako lanak eta ariketak bakarrik ebaluatuko dira).



b) Idatzizko proba: azken notaren %50.

Zeregin horiek guztiak (praktikak, lanak eta aurkezpenak) nahitaezkoak dira irakasgaia gainditzeko. Ikasleek bidalitako lan hauek gutxieneko maila gainditzen ez badute, errepikatu egin beharko dituzte.



1.2 ETENGABEKO EBALUAZIOARI UKO EGITEARI BURUZ



UPV/EHUko Gradu titulazioetako ikasleen ebaluazioa arautzen duen araudiaren arabera (EHAA, 50. zk., 2017/03/13, 8.3 art) “Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan edo 18 astekoa urteko irakasgaienean, ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita”.



ETENGABEKO EBALUAZIODUN OHIKO DEIALDIARI UKO EGITEARI BURUZ



UPV/EHUko Graduko titulazioetako ikasleen ebaluazioa arautzen duen Araudiaren arabera. (EHAA, 50. zk., 2017/03/13, 12.2 art) “Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin.



2. AZKEN EBALUAZIOA SISTEMA

2.1 JARRAIBIDEAK



Ikastaroa osorik jarraitu ezin duten ikasleek azken froga bat duen ebaluazio sistema izango dute. Azken proba egiteko, aipatu etengabeko ebaluazioari uko egin beharko zaio, ikasturteko lehen bederatzi asteetan irakasleari idatziz jakinaraziz.



Azken proba azterketen egun ofizialean entregatu eta egingo diren hainbat jardueratan datza:

a) Praktikak eta lanak (banakakoak edo taldekoak): azken notaren %50.

b) Idatzizko proba: azken notaren %50.



OHAR GARRANTZITSUA:



UPV/EHUko “Ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzko protokoloan” adierazten den bezala, idatzizko proba egiten den bitartean, ikasleek debekatua dute liburuak, oharrak edo apunteak erabiltzea, baita telefono, edo bestelako gailu elektroniko edo informatikoak.

Ezohiko deialdia azken ebaluazioaren sistemaren arabera ebaluatuko da. Azken proba azterketen egun ofizialean entregatu eta egingo diren hainbat jardueratan datza:

a) Praktikak eta lanak (banakakoak edo taldekoak): azken notaren %50.

b) Idatzizko proba: azken notaren %50.



Finkatutako ariketak azterketaren egun ofizialean ez aurkezteak/entregatzeak dagokion deialdiari automatikoki uko egitea ekarriko du.



OHAR GARRANTZITSUA:

Ezohiko deialdian, etengabeko ebaluazioan gaindituak dauden ariketak eta praktikak mantenduko dira. Hau da, ohiko deialdia bertan behera utzi duen ikasleak, etengabeko ebaluazio horretan agindutako zereginen bat edo batzuk gaindituta baditu, emaitza positiboak mantenduko dira, baina ez negatiboak.

Beharrezkoak diren material guztiak eta praktikei eta egin beharreko lanei buruzko jarraibideak eGelan egongo dira eskuragarria ikastaroan zehar. Halaber, sarean dauden material osagarrietarako behar diren loturak egongo dira.

Oinarrizko bibliografia

ALDRIDGE, Alan (2003) Consumption (Key Concepts). Cambridge: Polity Press.



ALONSO, Luis Enrique (2005) La Era del Consumo. Madrid: Siglo XXI.



BOCOCK, Robert (1995) El Consumo. Madrid: Talasa Ediciones.



CASTAÑEDA, Aitor (2020). Kontsumoaren psikosoziologia eta marketina. Bilbao: Euskal Herriko Unibertsitatearen Argitalpen Zerbitzua.



JUARISTI, Patxi (2005) Salgai. Euskal kontsumo gizartea aztertzen. Iruñea:Alberdania



KOTLER, P. Y ARMSTRONG, G. (2008) Principios de Marketing (12ª Edición). Madrid: Pearson Prentice Hall.



MACIONIS, John J. y PLUMMER, Ken (2011) Sociología (4ª edición). Madrid: Pearson Educación.



RIVERA CAMINO, Jaime; ARELLANO CUEVA, Rolando y MOLERO AYALA, Víctor (2009) Conducta del consumidor. Estrategias y políticas aplicadas al marketing. 2ª edición. Madrid: ESIC.



SANCHEZ HERRERA, Joaquín y PINTADO BLANCO, Teresa (2010) Estrategias de marketing para grupos sociales. Madrid: ESIC.



SHIFFMAN, Leon G. Y KANUK, Leslie (2010) Comportamiento del Consumidor. 10ª Edición. México: Prentice Hall.



SOLOMON, Michael R. (2013) Comportamiento del Consumidor (10ª edición). México: Pearson Educación.

Gehiago sakontzeko bibliografia

eGelan eguneratuko dira

Aldizkariak

Argia
Jakin
Consumer
Distribución y consumo
Ekonomiaz
International Journal of Consumer Studies
Journal of Consumer Behaviour
Journal of Consumer Culture
Journal of Consumer Research
Uztaro

Web helbideak

Kontsumobide. Eusko Jaurlaritza
Ministerio de consumo. Gobierno de España.
European Commission: Justice and Consumers Commission Department