Benetako solidoen (deformagarrien) portaeraren sarrera egiten zaie ikasleei. Elastikotasunaren Teoriaren oinarrizko kontzeptuak azaldu ondoren, hala nola, tentsioa, deformazioa eta portaera legeak, programak pieza prismatiko itxura duten egituretako elementuen analisian ipintzen du arreta, sekzioko esfortzu desberdinen eraginpean aurkitzen direnak. Lehendabizi, ardatzeko indarrarekin eta barra-sare errazen analisiarekin hasten da. Ondoren, indar ebakitzaileak eta momentu makurtzaileak egitura isostatikoetan sortutako tentsio eta deformazioen ikasketarekin jarraitzen da. Programa garrantzizkoa den gai batekin bukatzen da: horma meheko presio-hontzien ikasketarekin.

Irakasgai honentzat Graduko Tituluaren memorian jasotako gaitasuna ondokoa da, Industri Adarrari arrunta den moduluari dagokiona, hain zuzen:



- Elastikotasunaren eta materialen erresistentziaren oinarrien ezagutza eta erabiltzeko gaitasuna.



Ikaskuntzaren emaitz bezala ikasleek ondoko beste gaitasun hauek ere erdiestea nahi da:



- Elastikotasunaren Teorian agintzen duten oinarrizko ezagutzak jaso, solido deformagarrien portaera aztertzeko ezinbestekoak direnak eta, ondoren, Materialen Erresistentzia menderatzeko.



- Portaera elastiko lineala duten solidoen analisiari bidea ematen dioten ekuazioak zehaztu, teoria elastiko-lineala balekoa egiten duten mugak finkatuz.



- Egituren kalkuluan aplikatzen diren hutsegite teoria desberdinak aukeratu eta erabiltzeko irizpideak ezagutu.



- Barra sareetako tentsio eta deformazioak kalkulatzeko gai izan, egitura isostatiko zein hiperestatikoetan. Azken hauen analisia aurkeztean, indarren metodoan sakonduko da, batez ere.



- Tentsio eta deformazioak kalkulatzeko gai izan makurdurapean lan egiten duten egitura isostatikoetan.



- Horma meheko presio-hontzietan tentsio egoera kalkulatzeko gai izan biraketadun geometria errazetan.

1. Sarrera.

2. Tentsioaren kontzeptua.

3. Deformazioaren teoria orokorra.

4. Solido elastikoa.

5. Elastiko arazoa.

6. Hutsegitearen teoria.

7. Materialen erresistentzia sarrera. Pieza prismatikoekin osaturiko sistemak.

8. Esfortzu axial sinplea.

9. Makurduraren teoria orokorra. Tentsioak.

10. Makurduraren teoria orokorra. Deformazioak.

11. Horma meheko presio-ontziak.



LABORATEGIKO PRAKTIKAK



1. SAIOA. TRAKZIO SAIAKUNTZA

2. SAIOA. HABEEN MAKURDURA PRAKTIKA

"Materialen Erresistentzia" irakasgaiko edukiak ikasgai magistralen, gelako praktiken, mintegien eta laborategiko praktiken bidez irakasten dira.



Ikasgai magistraletan gai bakoitzeko eduki eta kontzeptu teorikoak aurkezten dira. Hartarako, ikasleak eskuragarri dituen irakasgaiko argitalpenak erabiliko dira, aurkezpena hainbat ariketa praktikoren laguntzaz argitzen delarik.



Gelako praktiketan, egitura eta elementu mekaniko desberdinei dagozkien ariketak ebazten dira, klase teorikoetan azaldutako kontzeptuak finkatzeko.



Lauhilebetean zehar hiru mintegi egongo dira, non hedadura handiagoko problemak ebatziko diren astiroago eta era interaktiboan.



Kurtsoan zehar laborategiko bi praktika egingo dira, non lehenengoak trakzio saiakuntzari dagokion. Bigarrenean habeetan deformazioak haurtzeko saiakuntzak egingo dira. Praktikak Ingeniaritza Mekanikoko Materialen Erresistentzia eta Egituren Laborategian egingo dira. Praktika bukatzean, txosten bat egin beharko dute, lortutako emaitzak eta ondorioak azalduz.



Ikasleek eGela plataforma birtualean ondoko materiala edukiko dute eskuragarri: azterketetako ariketa proposatuak, mintegietan jorratzeko problemak eta azterketen deialdiak, hauen ebazpen eta notekin batera. Irakasgaiko talde guztiek material berdina edukiko dute eskuragarri aldi berean.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 90
  • Praktikak egitea (ariketak, kasuak edo buruketak) (%): 10

Irakasgai honetan azterketa partzialetan oinarritutako ebaluazioa egitea erabaki da, materia libratzeko aukera ematen duena. Irakasgaiaren azken zatia azterketa finalean ebaluatzen da. Ikaslea ez bada partzialetara aurkezten edo beharrezkoa den nota ez badu lortzen, ebaluazio jarraituari uko egiten diola uste izango da.

Irakasgaia gainditzeko baldintzak ondokoak dira:



1.- Laborategiko praktika guztietan parte hartu

2.- 5.0 edo nota altuagoa lortu.



Laborategiko praktikek, bukaerako notaren %10 balio dute, eta idatzizko probek %90. Idatzizko probetan, problemak eta galdera teorikoak erantzun beharko dituzte ikasleek banaka. Lehenengo idatzizko probak irakasgaiaren lehen zatiari dagozkion edukiak libratzeko aukera emango du (4.0 edo nota altuagoa lortu beharko da bigarren zatira bakarrik aurkeztu ahal izateko). Lehenengo zatia gainditu dutelako bigarren zatira bakarrik aurkeztea erabakitzen dutenek, zati honetan 3,5 edo nota altuagoa lortu beharko dute. Horrela balitz, idatzizko proben bukaerako nota bi zatien batazbestekoa izango litzateke. Nahi izanez gero, ikasleek azterketa guztia egiteko aukera izango dute, lehenengo zatia gainditua eduki arren. Galdera eta ariketa teorikoek azterketako notaren laurdena balioko dute beti.



Azterketa egiteari uko egiten dioten ikasleen kasuak Euskal Herriko Unibertsitatearen araudiak dioenaren arabera zuzenduko dira.

Ezohiko azterketan irakasgi guztia barne hartuko duen proba egingo da beti, non ikasleak banaka eta idatziz, proposatutako problemak eta galdera teorikoak erantzun beharko dituen. Galdera eta ariketa teorikoek azterketako notaren laurdena balioko dute. Azkeneko nota Laborategiko Praktikak kontutan hartuta lortuko da.



Azterketa egiteari uko egiten dioten ikasleen kasuak Euskal Herriko Unibertsitatearen araudiak dioenaren arabera zuzenduko dira.

- "Elasticidad y Resistencia de Materiales", José Luis Alcaraz, Rubén Ansola, Javier Canales, Alain Garaigordobil, Estrella Veguería. Sección de Publicaciones de la E.T.S.I. de Bilbao, 2022.
- "Resistencia de Materiales: Colección de Problemas de clase". Sección de Publicaciones de la E.T.S.I. de Bilbao, 2024.

Oinarrizko bibliografia

- "Elastikotasuna eta Materialen Erresistentzia", Rubén Ansola. UEU, Udako Euskal Unibertsitatea, 2005.

- "Elasticidad", L. Ortiz Berrocal. McGraw-Hill, 1998.

- "Resistencia de Materiales". L. Ortiz Berrocal. McGraw-Hill, 1991.

- "Mecánica de Materiales" (2ª ed.), S.P. Timoshenko y J.M. Gere. Grupo

Editorial Iberoamericana, 1986.

- "Mecánica de Materiales" (2ª ed.), F.P. Beer y E.R. Johnston. McGraw-Hill, 1993.

- "Resistencia de Materiales", V.I. Feodosiev. Mir, 1980.

- "Problemas de Resistencia de Materiales", I. Miroliúbov et al. Mir, 1978.

Gehiago sakontzeko bibliografia

-"Cálculo Elástico de Sólidos", José Luis Alcaraz, Rubén Ansola, Javier Canales, Alain Garaigordobil, Estrella Veguería. Sección de Publicaciones de la E.T.S.I. de Bilbao, 2022.
- "Advanced Mechanics of Materials (6th Ed.)", A.P. Boresi y R.J. Schmidt. John Wiley & Sons, 2003.
- "Advanced Strength and Applied Elasticity", A.C. Ugural y S.K. Fenster. Prentice Hall, 1995.
- "Elasticity. Theory and Applications", A.S. Saada. Pergamon Press, 1974.

Aldizkariak

- Int. J. of Mechanical Sciences
- Int. J. of Solids and Structures
- Mechanics of Materials

Web helbideak

- es.wikipedia.org/wiki/Resistencia_de_materiales
- es.scribd.com/doc/305851/Resistencia-de-materiales-Problemas-resueltos