Hormigoi aurreatezatuaren egituren diseinuen oinarriak eta zimenduen eta euste hormen kalkuluak deskribatzen dira.

Irakasgai honetan bigarren mailako Egituren Teoria eta hirugarren mailako Eraikuntza eta Obrak, Egituren Teknologia I irakasgaien ezaguerak batzen ditu eta oinarrizkoa da graduaren gaitasunak garatzeko.

GAITASUNAK:



M04CM07- Obra geoteknikoak egiteko gaitasuna

M04CM01- Ezagutzea elementu prefabrikatuen tipologia eta kalkuluaren oinarriak eta haien aplikazioa fabrikazio prozesuetan.



GAITASUN OROKORRAK:



MEC1: Ikasleek frogatzea espezialitateko moduluan landutako gaiak bereganatu eta ulertu dituztela, aurretik zekitenetik abiaturik.

MEC2: Beren espezialitateko problema espezifikoak ebaztea, modu arrazoituan, eta oinarrizko moduluan nahiz adarreko modulu komunean eskuratutako ezagutzak erabiliz.

MEC4 (idatzia): Iritziak eta irakasgaien gaineko gai espezifikoak ziurtasunez, erraztasunez eta modu egituratuan azaltzea idatziz.

1.Blokea. Hormigoi armatua, aurrefabrikatua eta aurreatezatua

Hormigoi armatuzko zutabeak

Hormigoi aurrefabrikatuzko elementuak

Hormigoi aurreatezatua

Jasangarritasuna hormigoi armatuzko egituretan

2.Blokea. Obra geoteknikoak: zimenduak eta euste hormak

Zimendura: Motak eta erabiltzeko baldintzak

Gainazaleko zimendura: Zapatak

Zimendu sakonak: Piloteak eta Pilote buruak

Euste elementuak: Euste hormak eta Soto hormak

Klase magistraletan irakasleek irakasgaiari buruzko azalpenak emango ditu. Gelako praktiketan ariketak egingo dira.

Gainera, CBL (Challenge Based Learning) metodologia erabiliko da. Ikasleei ariketa praktiko bat proposatuko zaie, lauhileko osoan zehar garatu beharko dutena, ikasgelako eskola magistral eta praktikoetan eskuratutako kontzeptuak aplikatuz.

Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Praktikak egitea (ariketak, kasuak edo buruketak) (%): 70

1. Aukera: Azterketa finala

• Azterketa finala ohiko deialdirako ezarriko den datan egingo dena.

Azterketa finalak bi bloke izango ditu: hormigoi aurrefabrikatu eta aurreatezatu egiturei dagokion 1. blokea (B1) eta obra geoteknikoak: zimenduak eta euste elementuak dagokion 2. blokea (B2). Bloke bakoitzean atal praktikoaren balioa %70-koa izango da eta atal teorikoaren %30. Ikaslearen azterketaren nota finala batezbesteko geometrikoaren bitartez lortuko da.

Ikasleak aukera izango du bere azken nota proba idatzian zuzenean lortutakoa izatea edo azken nota azken azterketatik eta egin beharreko lanetik lortutako ponderazioa izatea. Kasu horretan, idatzizko probak % 70eko pisua izango du, eta lanak % 30ekoa. Kasu horretan, idatzizko proban 10etik 4 lortu beharko da haztapena egiteko. Lortzen ez bada eta lortutako batez bestekoa 4tik gorakoa bada, aktetako nota 4koa izango da

2. Aukera: Ebaluazio jarraia

• Bi azterketa partzial.

- Lehen partziala: hormigoi aurrefabrikatu eta aurreatezatu egiturei dagokion o 1. blokeari (B1) dagokiona. Azterketa partzial hau bigarren lauhilabetearen 7., 8. Edo 9. astean egingo da, behin dagokion materia eman denean.

- Bigarren partziala: bra geoteknikoak: zimenduak eta euste elementuak 2. blokeari (B2) dagokiona. Irakasgaiaren ohiko deialdirako ezarriko den datan egingo da.

Ikaslearen azterketen nota finala batezbesteko geometrikoaren bitartez lortuko da.

Azken nota azterketetik eta egin beharreko lanetik lortutako ponderazioatik aterako da. Azterketen nota finala % 70eko pisua izango du, eta lanak % 30ekoa. Azterketen nota finalean 10etik 4 lortu beharko da haztapena egiteko. Lortzen ez bada eta lortutako batez bestekoa 4tik gorakoa bada, aktetako nota 4koa izango da.

Argibideak:

Ikasleen Ebaluaziorako Arautegiaren 8.3 artikuluaren arabera, "ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan, ikastegiko eskola egutegian zehaztutakorekin bat lauhilekoa hasten denetik kontatzen hasita".

Halaber, aipatutako arautegiaren 12.1 artikuluaren arabera "Etengabeko ebaluazioaren kasuan, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari".

Horrezkero, lehen azterketa partzialera ez aurkezteak ebaluazio jarraiari uko egitea suposatuko du, hau da, 2. aukeraren bidezko ebaluaketa sistemari uko egitea.



UKO EGITEA: Ebaluazio egun ofizialean frogara ez aurkeztean deialdiari automatikoki uko egiten zaio



Ebaluazioaren arloan ikasleen kode etikoa hausten bada, irakasgai osoa ebaluatzeko prozesutik behin betiko kanporatuko da, irakasgaiaren kalifikazioa 0.0 izango da eta diziplina-espedientea irekiko da.

Ohiko deialdiko 1. aukeraren formatu bera



Ebaluazioaren arloan ikasleen kode etikoa hausten bada, irakasgai osoa ebaluatzeko prozesutik behin betiko kanporatuko da, irakasgaiaren kalifikazioa 0.0 izango da eta diziplina-espedientea irekiko da.

Klaseko apunteak

Oinarrizko bibliografia

- Código Estructural.

- CTE.DB-SE-Cimientos.

- García, A., Morán, F., Arroyo, J.C. Jiménez Montoya Hormigón Armado. 15ª edición. Gustavo Gili. Barcelona. 2009.

- Calavera, J. Proyecto y Cálculo de Estructuras de Hormigón. INTEMAC. 2008.

- Calavera, J. Cálculo de Estructuras de Cimentación. 5ª edición. INTEMAC. 2015.

Web helbideak

- http://www.fomento.es/MFOM/LANG_CASTELLANO/
DIRECCIONES_GENERALES/
ORGANOS_COLEGIADOS/CPH/instrucciones/EHE2007 (enlace de la página oficial de la Instrucción de Hormigón Estructural EHE-08 donde se pueden descargar los diferentes documentos)

- http://www.codigotecnico.org/index.php?id=33 (enlace de la página oficial del Código Técnico de la Edificación donde se pueden descargar los diferentes documentos)