Baliabideak hobeto erabiliz produktibitatea eta efizientzia hobetzea giltzarri da edozein enpresarentzat, eta helburu hori betetzeko bidean, funtsezkoa da errealitate teknologiko eta industriala ulertzea.
Industria Antolakuntzako Ingeniaritzak ezin hobeto bateratzen ditu industria arloko prestakuntza teknikoa eta enpresa egituren kudeaketa eta antolakuntzako prestakuntza. Beraz, gradu honi esker, gai izango zara edozein antolakuntzaren baliabideak hobeto aprobetxatzeko, eta enpresaren edozein sailetan lan egiteko.
Industria Antolakuntzaren Ingeniaritzako Graduaren bidez, enpresa munduari lotutako industria ingeniaritzaren oinarriak menderatuko dituzu, ekoizpenari eta operazioei zuzen lotutako arloetan: kalitatea, erosketa, arlo komertziala, logistika, ekoizpena, prozesuak, finantzak, mantenimendua, berrikuntzaren kudeaketa, proiektuen kudeaketa, giza baliabideak, etab..
Titulazio honek prestakuntza dualeko ibilbide bat eskaintzen du. EHUduala Ereduaren irizpideak eta 822/2021 Errege Dekretuak Aipamen Duala lortzeko eskatzen dituenak betetzen ditu. Horrek esan nahi du ibilbide bat egin ahal izango duzula, unibertsitateko prestakuntza akademikoa eta zure prestakuntzarekin zuzenean lotutako ordaindutako lan-jarduera tartekatzeko. Ibilbide horretan sartzen bazara, banakako prestakuntza-proiektu bati eta unibertsitateko eta enpresako tutoreen laguntzari esker, bi mundu hauetan esperientzia ahalik eta gehien aprobetxatu ahal izango duzu.
Ezagutza arloa
Ingeniaritza eta Arkitektura
Ikastegia
Campusa
Bizkaia
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania
Irakaskuntza mota
Ikasgelako gradua
Kredituaren prezioa 1. matrikulan
18,23 €
Gutxieneko nota
11,150 ohiko deialdian (2024/25)
Eskainitako plazak
50 plaza
4 arrazoi gradu hau aukeratzeko
- Askotan eskatutako profesionalak. Antolakuntzaz ari garelarik, funtsezkoa da giza faktorearen eta berau gestionatzearen garrantzia egungo eta etorkizuneko enpresetan.
- Eduki teknikoak irakasten dira enpresaren antolaketari begiratuta.
- Gaitasun teknikoak eta trebetasun emozionalak batzen dituzten profesionalak hezten ditugu.
- Enpresa teknologikoak sortu ahal izateko, sormen handiko teknikariak behar dira, finantzetan adituak.
Sarrera-profila
Antolakuntza atsegin baduzu, gai bazara lantaldeak zuzentzeko, komunikazio trebetasunak badituzu, eta ezagutzak matematikan, fisikan, kimikan eta marrazketan, Industria Antolakuntzaren Ingeniaritzako Graduan duzu lekua.
Irteera profesionalak
Edozein enpresa edo aholkularitza etxetako sail ia-ia guztietan lan egin ahal izango duzu:
- Salmentak.
- Erosketen kudeaketa.
- Ekoizpen plangintza.
- Lan ekipoen zuzendaritza.
- Proiektuen plangintza eta monitorizazioa.
- Kalitate kontrola.
- Publizitatea eta marketina.
- Giza Baliabideak.