Kontabilitatea entitate ekonomikoen informazio sistemaren barne dago, erabakiak hartzerakoan ziurgabetasuna murrizteko erabilia. Entitate baten ekonomi eta finantza egoerari buruzko informazioa ematen du, baita erabili diren baliabideak eta hauen jatorriaz informatzen du ere. Halaber transakzio eta gainerako gertaeren efektuak aipaturiko baliabideen gain informatzeaz arduratzen da.

"Kontabilitaterako Sarrera" irakasgaiaren helburu nagusia Kontabilitate ikasketa-arloaren elementu kontzeptual eta teknikoak aurkeztean datza. Ekonomi eta finantza esparruaren barne, enpresaren informazio-ereduaren oinarrizko elementuak eta oinarrizko finantza egoerak -urteko kontuak- aurkezten dira.



Enpresen Administrazio eta Zuzendaritza Graduko, Marketing Graduko, Zerga Sistema eta Administrazio Publiko Graduko eta Enpresen Administrazio eta Zuzendaritza + Zuzenbide Gradu Bikoitzeko ikasleentzat finantza kontabilitate-sistemaren ezagutzaren abiapuntua da, honela irakasgai honetan lortutako ezagutza eta gaitasunak kontabilitate-arloko beste irakasgaietan garatuko dira, hala nola, Finantza Kontabilitatean, Kostuen Kontabilitatean eta Kontabilitate Analisian, hauek guztiak Enpresaren enborrezko materiak direlarik. Erabili izan diren kontzeptuak eta analisi-ikuspegiak ezinbestekoak dira hurrengo ikasturteotan garapen kurrikular egokia izateko.



Enpresen Administrazio eta Zuzendaritza Graduko ikasleek, hirugarren mailan, Kontabilitate Kudeaketa eta Finantza Informazioa berezitasunetako irakasgaiak hautatzeko aukera dute.



Ekonomia Graduko ikasleentzat "Kontabilitaterako Sarrera" irakasgaiak, bigarren lauhileko "Finantza Kontabilitatea" irakasgaiarekin batera, ekonomialari guztiek kontabilitate eta finantza informazioaren arloan izan behar dituzten oinarrizko ezagutzari eta gaitasunei hurreratzea suposatzen du.

DESKRIBAPENAK

Kontabilitate-ereduaren eta ekonomi informazioaren analisia. Kontabilitate Plan Orokorra eta enpresaren egoera, emaitzak eta ekitaldian izandako fondo-fluxuak aurkezteko kontabilitate-teknika. Urteko Kontuak lortu eta formulatu.





HELBURUAK

1. Kontabilitate-ereduaren eta informazio ekonomikoaren analisia.

2. Behar den kontabilitate teknika ikasi enpresaren egoera, emaitzak eta ekitaldi ekonomikoan izandako finantza fluxuak aurkeztu ahal izateko.

3. Urteko Kontuen ereduak: lortu eta formulatu.

4. Enpresa-jardueraren ziklo laburrarekin zerikusia duten oinarrizko eragiketak baloratu eta kontabilizatu.



IKASGAIAREN BEREZKO GAITASUNAK

Irakaste-ikaste prozesua bukatzean ikasleak:

1. Erabiltzaileek enpresari buruzko erabakiak hartzeko erabiltzen dituzten finantza informazioren oinarrizko ereduak ezagunak izango ditu.

2. Informazioa erregistratzeko tresna garrantzitsuenak maneiatzeko gai izango da, baita finantza egoerak lortzeko kontabilitate prozesua antolatzeko ere.

3. Kontabilitate ereduaren oinarrizko kontzeptuak ulertuko ditu, baita bere funtsezko tresnak ere.

4. Enpresa-jardueraren ziklo laburreko oinarrizko eragiketak baloratu eta kontabilizatu ahal izango ditu.



M01- OINARRIZKO GAIAK MODULUAREN GAITASUNAK

(M01CM01) Ikaste abileziak garatu autonomi maila handi bat lortzeko, alde batetik ondorengo ikasketei ekiteko eta bestetik bere auto-prestakuntzarako, etengabeko aldakuntzak eta berrikuntzak pairatzen dituen eremuan.

(M01CM04) Ikasi nola bilatu, identifikatu, aztertu eta laburtu iturri ezberdinetako informazioa gaitasun kritikoaz, enpresa baten egoera eta aurreikusgarri garapena baloratzeko, arrazoitutako irizpenak emateko eta erabakitzeko ekonomia, enpresa, gizarte eta etikarekiko garrantzi handiko arloetan.

(M01CM05) Informazio eta komunikazio teknologiak erabili bere ikaste esparruan eta testuinguru profesionalean. (M01CM06) Jariotasunez, ahozko eta idatzizko komunikazio gaitasuna.

(M01CM07) Erantzukizunez eta begirunez lan-taldean aritzeko gaitasuna, iniziatiba eta buruzagitza.

GAIEN EGITURA:



I. KONTABILITATE OINARRIAK



1.GAIA: EKONOMIA JARDUERA. ENPRESA ETA KONTABILITATEA

1. Ekonomia-jarduera.

2. Kontabilitate informazio sistema.

3. Kontabilitatearen definizioa.



2.GAIA: URTEKO KONTUAK: BALANTZEA

1. Ondare garbia.

2. Ekonomia-finantza egituraren aurkezpena: Balantzea.



3.GAIA: URTEKO KONTUAK: GALDU IRABAZIEN KONTUA

1. Emaitza, enpresaren eraginkortasunaren adierazlea.

2. Gastu eta sarreren onarpena.

3. Ekitaldiko emaitzaren aurkezpena: Galdu Irabazien Kontua.





4.GAIA: URTEKO KONTUAK OSATZEN DITUZTEN BESTE AGIRIAK ETA ENPRESA-INFORMAZIOAREN BESTELAKO AGIRIAK

1. Ondare Garbiaren Aldaketen Egoera-orria (OGAE).

2. Diru-fluxuen Egoera-orria (DFE).

3. Memoria.

4. Informazio Ez-finantzarioaren Egoera-orria (IEFE).





5.GAIA: KONTABILITATE METODOA

1. Kontua, errepresentazio tresna.

2. Kontuen sailkapena.



6.GAIA: KONTABILITATE ZIKLOA

1. Kontabilitatearen irekiera eta ekitaldiko eragiketen erregistroa.

2. Kontabilitate zikloa: eragiketen erregistroa, erregularizazio prozesua eta ekitaldiko itxiera.

3. Urteko Kontuak lantzea.



II. KONTABILITATE ARAUTEGIA



7.GAIA: KONTABILITATE ARAUTZE SISTEMAK

1. Nazioarteko kontabilitate-normalizazioa.

2. Espainiako araudi-eremua. Kontabilitate Plan Orokorra.



III. ZIKLO LABURREKO KONTABILITATEA



8.GAIA: ZEHARKAKO ZERGAPENAREN KONTABILITATE TRATAMENDUA

1. Sarrera. BEZaren eragina enpresaren transakzioetan.

2. BEZa daramaten eragiketen kontabilitate erregistroa.

3. Zergaren likidazioa.



9.GAIA: HORNIKUNTZA, EKOIZPENA ETA BANAKETA

1. Kontzeptua eta izakin-mota.

2. Izakinak erregistratzeko kontabilitate metodoak.

3. Izakinen transakzioak jaso eta baloratu.

4. Izakinen balorazio-zuzenketak.



10.GAIA: MERKATARITZA HARTZEKOA ETA FINANTZAKETA

1. Bezeroak eta hartzeko komertzialaren formalizazioa.

2. Ziurgabetasunaren kontabilitate tratamendua.



11.GAIA: GIZA BALIABIDEAK

1. Pertsonal gastuak

2. Bestelako pertsonal gastuak: Gastu sozialak





12.GAIA: PERIODOKATZE DOIKUNTZAK

1. Sarrera. Moneta-korrontea eta korronte ekonomikoa.

2. Trafiko eragiketengatiko doikuntzak.

3. Finantza eragiketengatiko doikuntzak.

Klase teoriko zein praktikoak. Banakako edota taldeko lanen garapena.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 30

UPV/EHU-n lehentasunez erabili behar dena ebaluazio jarraituaren sistema da.



Ezarritako hezkuntza sistema ikaslearen ikaskuntza jarraituan eta progresiboan oinarritua dago. Honek klaseetara erregulartasunez etortzearen garrantzia azpimarratzen du han ematen baitira aditzera ohiz testu eta esku liburuetan azaltzen ez diren kontu ezberdinak, testu hauek aberasten eta osatzen direlarik.



Era berean, lantaldean lanak egiteak ikaskuntza eta ikasitako eduki eta kontzeptu ezberdinak praktikan gauzatzeko balio du eta profesionalek beraien ohiko lanean aurkitzen dituzten antzeko zailtasunei aurre egin behar izango diete.

Honetarako nahitaezkoa izango da besteei elkartearen informazio ekonomiko -finantzarioaren garapenean aurkitutako zantzu garrantzitsuenak behar bezala helaraztea.





Ebaluazioa:



Ikaskuntza egin beharreko idatzizko azterket(ar)en eta zeregin(ar)en (praktikak, lanak, aurkezpenak, irakurketak…) bidez ebaluatuko da.



Jarduera bakoitzaren pisua azken notan honako hau izango da: Idatzizko azterketa/k %70a izango da/ira eta gainontzeko

%30a zereginen bidez ebaluatuko da. Zereginak irakasgaia garatzen den heinean egingo dira eta aurkezte-datak irakasleak ezarri eta komunikatuko ditu.



Graduko Titulazio Ofizialetako Ikasleen Ebaluaziorako Arautegia



12. artikulua.- Deialdiari uko egitea



1.- Deialdiari uko egiten dioten ikasleek «aurkezteke» kalifikazioa jasoko dute.

2.- Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazoaren % 40 edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

3.- Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.

Azken proba bakarra izango da, irakasgairen notaren %100a hartuko duena. Proba hau azterketa-egutegian ezarritako datan egingo da.

BALIABIDEAK

Proiektua aurrera eraman eta irakasgaia garatu ahal izateko ikasleek hurrengo baliabideak izango dituzte eskuragarri:

Irakasleak landutako material teorikoa eta ariketa praktikoen bilduma. Hauen bidez ikasleak kontabilitatearen oinarrizko kontzeptuak ulertuko ditu eta gai ezberdinen ulermenerako apropos egin diren ariketak kurtsoan zehar ebazten arituko dira.

Oinarrizko bibliografia. Fakultateko liburutegian eskuragarri izango dituzten zenbait liburu gomendagarri, dagokien gaia norberaren kabuz garatzeko interesgarriak direlarik.

Kontabilitate Plan Orokorra (gazteleraz): http://www.icac.meh.es/seccion.aspx?hid=34 helbidean eskuragarri dagoen oinarrizko agiria.

Oinarrizko bibliografia

Arquero, J.L. y otros autores. INTRODUCCIÓN A LA CONTABILIDAD FINANCIERA. Ediciones Pirámide.



Fernández-Cuesta,C., Gutiérrez López, C.INTRODUCCIÓN A LA CONTABILIDAD FINANCIERA. Adaptado a la pequeña y mediana empresa. Ediciones Pirámide.



Socías, A., Herranz, R. Pons, D. y otros autores. CONTABILIDAD FINANCIERA. EL PGC.SUPUESTOS. Ediciones Pirámide.

Gehiago sakontzeko bibliografia

Arquero, J.L. y otros autores. INTRODUCCIÓN A LA CONTABILIDAD FINANCIERA. Ediciones Pirámide.

Fernández-Cuesta,C., Gutiérrez López, C.INTRODUCCIÓN A LA CONTABILIDAD FINANCIERA. Adaptado a la pequeña y mediana empresa. Ediciones Pirámide.

Socías, A., Herranz, R. Pons, D. y otros autores.CONTABILIDAD FINANCIERA. EL PGC. SUPUESTOS. Ediciones Pirámide.

Aldizkariak

Ikasturtean zehar aldizkari akademiko edo profesionalak erabiltzea gomendatu daiteke, ikasleentzat interesgarria den gai jakin bat garatzeko.

Web helbideak

KONTABILITATE PLAN OROKORRA http://www.icac.meh.es/

MERKATARITZAKO ERREGISTROAREN URTEKO KONTUEN GORDAILUTZE-EREDUAK (gazteleraz eta hizkuntza koofizialetan):http://www.mjusticia.gob.es/cs/Satellite/es/1215197983369/Estructura_P/1215198328530/Detalle.html

COMISIÓN NACIONAL DEL MERCADO DE VALORES (CNMV): http://www.cnmv.es/index.htm

INSTITUTO DE CONTABILIDAD Y AUDITORÍA DE CUENTAS (ICAC): http://www.icac.meh.es/

UNIÓN EUROPEA. European Commission. Banking and finance. Company reporting:http://ec.europa.eu/finance/company-reporting/index_en.htm