Bioteknologia teknologia garbien eta jasangarrien multzo bat dela esan daiteke, prozesu zelularrak eta/edo biomolekularrak erabiltzen dituena arazoak konpontzeko edo balio erantsiko produktuak lortzeko, maila industrialean.
Bioteknologiako Gradua, funtsean, biozientzia molekularrak eta ingeniaritza bateratzearen emaitza da. Graduak emango dizkizun ezagutzen bidez, produktuak, ondasunak eta zerbitzuak lortzera bideratutako bioprozesuak diseinatu eta analizatzeko gai izango zara, baita horiek kudeatzeko eta kontrolatzeko ere. Jarduera horien barruan, bioindustriak sartzen dira, eta biomedikuntzaren eta farmaziaren sektoreak; hau da: diagnostiko metodo berriak, txertoak, nanobioteknologia, terapia onkologiko berriak, etab. Haren aplikazio praktikoa, osasun arlotik harago, albaitaritzara, nekazaritza eta elikadura sektorera, kimikara eta ingurumenari eta meatzaritzari lotutako arloetara iristen da.
Borondatezko kanpoko praktikak egin ahal izango dituzu inguruko enpresetan. Horrez gainera, bosgarren maila eginez gero, Biokimikako eta Biologia Molekularreko Gradua lortu ahal izango duzu.
Ezagutza arloa
Zientziak
Ikastegia
Zientzia eta Teknologia Fakultatea
Campusa
Bizkaia
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
18,85 €
Gutxieneko nota
12,410 ohiko deialdian (2024/25)
Eskainitako plazak
40 plaza
4 arrazoi gradu hau aukeratzeko
- Irakaskuntza eta ikerkuntzarako kalitate handiko irakasleak, graduan inplikatutako arloetan ahal denik prestakuntzarik onena jasotzeko.
- Harreman zuzena giro zientifikoarekin, punta puntako ikertaldean eta ikerketa lerroak barne.
- Zeharkakotasuna, fakultateak era askotariko titulazio zientifikoen bidez eskainitakoa.
- Lortuko duzun prestakuntzaz goi kualifikazioa izango duzu, enpresa eta ikerkuntzaren eremuan eskatutako eginkizunetarako.
Sarrera-profila
Ikertzaile bokazioa baduzu, laborategiko lanak motibatzen bazaitu, pertsona behatzailea eta pazientziaduna bazara, eta jakintza zientifiko eta teknikoak, eta matematika, fisika, kimika eta biologiako nozioak badituzu, Bioteknologiako Gradua titulu egokia da zuretzat, gaitasun horiek guztiak gara ditzazun.
Irteera profesionalak
Lan aukera nagusiak biozientzien industriarako aplikazioei lotuta daude, eta arlo hauek dira nagusi: biosanitarioa, ingurumena, elikadura, nekazaritza eta teknologia, bai kudeaketaren bai ikerketaren ikuspegitik:
- Industria bioteknologikoak
- Farmazia-industria
- Nekazaritza eta elikagaien industria
- Sektore kimikoaren industriak: petrokimikoa, plastikoak, biomaterialak, kosmetika...
- Ingurumen-enpresak
- Meatzaritza
- Ikerketa eta irakaskuntza
- Zientzia-dibulgazioa