Automobilen sektorea estrategikoa da gure inguruan, eta garrantzitsuenetako bat, mundu osoan. Erronka asko eta zirraragarriak ditu: 3Dn inprimatutako autoak, auto elektrikoak, auto autonomoak… Bide horretan, automobilgintzaren ingeniaritzaren profesionalek parte hartze aktiboa izaten dute.
Automobilgintzaren Ingeniaritzako Graduak beharrezkoa den prestakuntza emango dizu instalazioak eta ekipoak proiektatu, kalkulatu, diseinatu, analizatu, eraiki, martxan jarri eta haiekin jarduteko gai izan zaitezen, industriaren arloan, oro har, eta, automobilgintzako industrian, bereziki. Diziplina anitzeko ingurunetan proiektuak gidatzeko eta zuzentzeko gai izango zara, baita enpresak antolatzeko eta planifikatzeko ere.
Gradu honek lan merkatuaren eskaerei erantzun behar die; hortaz, ikasketa plana konfiguratzean kontuan hartu dira sektoreko enpresak. Hala, graduan, ikasle guztiek enpresetan egonaldiak egiteko prestakuntza dualeko 42 kreditu izango dituzte, beren prestakuntza pertsonalizatze aldera.
Ikasketa planak EHUduala Ereduaren irizpideak betetzen ditu, baita 822/2021 Errege Dekretuak Aipamen Duala lortzeko eskatzen dituenak ere. Beraz, aldi brean tartekatu ahal izango dituzu unibertsitateko prestakuntza akademikoa eta zure prestakuntzarekin lotura zuzena duen ordaindutako lan jarduera. Gainera, banakako prestakuntza proiektu bati esker, eta unibertsitateko eta enpresako tutoreen laguntzaz, albait etekinik handiena aterako diezu bi mundu horietan izandako esperientziari.
Ezagutza arloa
Ingeniaritza eta Arkitektura
Ikastegia
Vitoria-Gasteizko Ingeniaritza Eskola
Campusa
Araba
Harremanetarako
subdir.oacademica.ei-vi@ehu.eus
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
18,23 €
Gutxieneko nota
11,527 ohiko deialdian (2024/25)
Eskainitako plazak
40 plaza
4 arrazoi gradu hau aukeratzeko
- Auto eta motorren zale amorratua bazara, gozatuko zara graduko ikastaro guzti-guztietan.
- Aurre egin ahal izango diezu ibilgailuarekin lotutako erronka berri guztiei: nabigazio autonomorako sistemak, ibilgailu elektrikoak…
- Formakuntza osatu ahal izango duzu sektoreko enpresa nagusienetan, bertan ikasketa pertsonalizatua izanik.
- Graduko atal bat Europa, Latinoamerika, AEB, Australia, Errusia eta beste herrialde batzuetako unibertsitateetan ikas dezakezu.
Sarrera-profila
Auto eta motorren zale amorratua bazara, ekimen, sormen eta arrazonamendu kritikorako gaitasunak, eta erabakiak hartzeko eta líder izateko dohainak badituzu, eta matematika eta fisikako oinarrizko ezagutzak badituzu, Automobilgintzaren Ingeniaritzako Gradua titulu egokia da zuretzat.
Irteera profesionalak
Diziplina anitzeko ingurunetan, automobilgintzaren barruan, eta askotariko industria ingurunetan, batez ere:
- Antolakuntzan
- Fabrikazioan
- Mantentze-lanetan
- Kalitate bermean
- Bulego teknikoetan
- Produkzioan
- Langileen kudeaketan
- Taldeen zuzendaritzan
Baita teknologia berriei lotutako arloetan eta Industria 4.0ri lotutako gaietan ere.