<style type="text/css"> .links-title { display: none; }</style>Nola iritsi

Bidegorri sare zabal batek lotzen du UPV/EHUko Gipuzkoako Campuseko Ibaeta gunea gainerako hiriguneekin. Halaber, Campuseko puntu ezberdinetan bizikletak aparkatzeko toki bereziak daude eta Carlos Santamaria zentroaren parean Donostiako udalaren bizikletak alokatzeko leku bat dago.

Gipuzkoako Campuseko errektoreordetzak burutu dituen Campusera bizikletaz hurbiltzeko sentsibilizazio eginkizunen barruan, Ignacio María Barriola zentroko etxabeetan gune bat moldatu du bizikleten konponketa errazteko. Gune honetan behar duenarentzat erremintak, puzgailuak eta baita erabiltzen ditugun bizikleten zulaketak eta bestelako ustekabeak konpontzeko egitura bat eskuragarri daude.    

Halaber, Ignacio Mª Barriola eta Elbira Zipitria zentroetako atezaindegietan bizikleten gurpilak konpontzeko partxeak eta itsasgarriak utzi dira.

AUTOA PARTEKATU proiektua Gipuzkoako Campuseko Errektoreordetzaren ekimenari esker sortu da unibertsitate elkarteko kideen artean autoaren erabilera arrazoizkoagoa bultzatzeko xedez. Zerbitzu honek Gipuzkoako Campusera zein UPV/EHUko beste Campusetara joatekoak diren pertsonak harremanetan jar daitezen tresna izan nahi du, baita beste helmugak dituzten bidaietan autoa partekatzeko ere, harreman horiek erraztuz. Autoa partekatzeari buruz informazio gehiago nahi izan ezkero Gipuzkoako Campuseko iraunkortasun atala kontsultatu dezakezu.

Gipuzkoako Campuseko Ibaeta aldera kotxez N-1 eta A-8tik sartzen da, Ondarreta irteera.

Unibertsitateko ikasleek beraiek sortutako elkarteen bidez bidaiak antolatzen dituzte Gipuzkoako hainbat herritatik UPV/EHUko ikastegietara.

• BIDAI TXUNGO: Tel. 943292577
• PIPER (Urola-Kosta): Tel. 943852587 / 652777345
• GIU-Goierriko ikasle unibertsitarioak: Tel. 943725250

Hiri barruko autobusek Ibaetako Gipuzkoako Campusa hiriaren auzo ezberdinekin komunikatzen dute. Linea eta ordutegiei buruzko informazioa nahi izan ezkero Donostiako autobus konpainiaren web orria kontsultatu dezakezu.

Lurraldebusen autobus lineek Gipuzkoa eskualde ezberdinak Ibaetako Gipuzkoako Campusarekin lotzen dute. Linea eta ordutegiei buruzko informazioa nahi izan ezkero Lurraldebus autobus konpainiaren web orria kontsultatu dezakezu.

Bizkaibusek zerbitzu berezia eskaintzen du Ermuatik UPV/EHUko Leioako Campusera. 

PESA eta ALSAren autobus lineek Donostia Gipuzkoa, Araba eta Bizkaiko herriekin lotzen dute. Linea eta ordutegiei buruzko informazioa nahi izan ezkero PESA eta ALSAren web orriak kontsultatu ditzakezu. 

Ibaetako Gipuzkoako Campusetik gertu Euskotrenen "Lugaritz" geltokia dago. Euskotrenek Ibaetako Gipuzkoako Campusa Gipuzkoa eta Bizkaiko herriekin lotzen ditu. Linea eta ordutegiei buruzko informazioa nahi izan ezkero Euskotrenen web orria kontsultatu dezakezu.

Renferen geltokiak hiriaren erdigunean kokaturik daude. Linea eta ordutegiei buruzko informazioa nahi izan ezkero Renferen web orria kontsultatu dezakezu.

Arabako eta Bizkaiko Campusetako garraioari buruzko informazioa: