DEIALDIA, ZIENTZIAREN, TEKNOLOGIAREN ETA BERRIKUNTZAREN XIX. ASTERAKO JARDUERA PROPOSAMENAK AURKEZTEKO

UPV/EHUko Garapen Zientifikoaren eta Transferentziaren arloko Errektoreordetzak, Ikerketa Gizartean Zabaltzeko Zuzendaritzaren bidez, 2019 urteko Zientziaren, Teknologiaren eta Berrikuntzaren Astea antolatu du, ekimen horren helburua izanik gure gizartean kultura zientifikoa sustatzea, jakintza arloetan egindako aurrerapenei eta aurrerapen teknologikoei zabalkundea ematea, gazteen artean bokazio zientifikoak sustatzea eta gizarteak zientzietan daukan konpromisoa eta parte hartzea areagotzea.

Garapen Zientifikoaren eta Transferentziaren arloko Errektoreordetzaren nahia da Zientziaren, Teknologiaren eta Berrikuntzaren Astean parte hartzeko aukera ematea unibertsitateko irakasle eta ikertzaile guztiei, eta, beraz, egokia iruditu zaigu aste horretan parte hartzeko deialdia eta baldintzak iragartzea.

Proposamenak aurkezteko azken eguna 2019ko apirilaren 30a da.

Zientziaren, Teknologiaren eta Berrikuntzaren XIX. Astea 2019ko azaroaren 6tik 10era bitartean izango da.

Aurtengoan, Zientziaren, Teknologiaren eta Berrikuntzaren Astearen aurretik eta aste horren abiapuntu legez Bizkaia Aretoan egingo den ekitaldirako leloa “Ilusioa eta Zientzia UPV/EHUn” da. Beraz, gonbidatzen zaituztegu lelo horrekin zerikusia izan dezaketen proposamenak aurkezteko, edo eginda dituzuenak egokitzea modu naturalean horretarako biderik ematen badute. Proposamenak aztertzean, oso kontuan izango da proposatutako jarduerak gai nagusiarekin daukan lotura.  Edozelan ere, ez da ezinbestekoa jarduera gaiarekin lotuta egotea.

Deialdiari buruzko galderak egiteko eta informazioa eskatzeko, idatzi, mesedez, helbide honetara: zientzia-astea@ehu.eus