Masterraren gakoak
Unibertsitate arteko Master hau (Ekonomia: Ekonomia Analisirako Tresnak) hiru unibertsitateren arteko lankidetzatik sortu da: UPV/EHU (Ekonomia Aplikatua III eta Ekonomia Analisiaren Oinarriak I sailak), Kantabriako Unibertsitatea (Ekonomia saila) eta Oviedoko Unibertsitatea (Ekonomia saila).
Orientazio bikoitza du: profesionala eta ikerketa alorrekoa. Ikuspuntu profesionaletik, analisi teorikoak eta metodo kuantitatiboak erabiltzeko tresnen erabileran trebatzen du, ekonomista batek enpresa pribatuan eta administrazio publikoan, baita erkidego, estatu eta nazioarte mailako erakundeetan ere, izan ditzakeen funtzioak betetzeko. Gainera, ezagutzen transferentzia sustatzen da, enpresa kolaboratzaileen artean, ikasleen praktiken bitartez. Ikerketa orientazioari dagokionez, masterra amaitzen duen ikasleak aukera izango du zuzenean Ekonomia: Ekonomia Analisirako Tresnak doktorego programara sartzeko.
