Deskribapena

Erakusketa 

• Urtarrilak 28 – otsailak 25

• Zabalik: 09:00-19:30 (astelehenetik ostiralera)

• Etxepare  aretoa

Artista: Beñat Lizaso Garcia

Koronabirusak hamaika modutara eragin dio gizarteko pertsona orori. Beñat Lizaso Garcia (Urnieta, 1998) bere egunerokotasunean argazkiak ateratzera bultzatu zuen itxialdiak.

Tino Sorianok (National Geographyceko argazkilaria) dio argazkilaritza dokumentala guztiaren gainetik autobiografikoa dela, hau da, argazkilaria informazioaren erdigunean kokatzen da eta ikuslea bere begiradatik gertakaria ikustera bultzatzen du. Horrela, Lizasok bere egunerokotasuna eta ezinegonak ikuslearenak egiten ditu erakusketa honetan.

Gizartea osatzen duten hainbat talde aurkezten ditu egileak, beti ere pandemia garaian, eta talde bakoitza une horretan bizitzen ari dena erakusteko asmoz.

Komunikabideetan hainbestetan aipatu diren talde zaurgarrienetako batekin hasten da: adinekoak. Zahartzaroan gizakiok jasaten dugun bakardadea erakusten digu atal honetan. Donostiako kaleetan, udako egun eguzkitsuetan, Kontxako hondartzako pasealekuan edo Alde Zaharrean denak ez dira familiak, ezta gazteak ere. Gipuzkoako hiriburuko kaleak bakardadean igarotzen dituzten adineko pertsonez beteta daude kaleak. Hori erakusten du Itsasoa ere grisa bihurtu daiteke atalean.

1998an jaiotako horiek atalean, gazteak dira subjektu nagusia. Egileak bere adineko gazteekin antolatutako zita ezberdinetan ateratako argazkiak dira. Pandemiak lan mundura ateratzekotan zirela harrapatu zituen gazte hauetako asko, beste batzuk lanean ari ziren dagoeneko. Hala ere, pandemiak etorkizuneko planak nola edo hala moldatu dizkie. Ikusleak protagonisten ahotsetik entzun ahal izango du zein den euren egoera pertsonala momentu honetan bideo instalazio bati esker.

Lehen sektorearentzako ere ez da garai samurra izan. Berehala debekatu zitzaien gure baserritarrei diru iturri nagusi dituzten merkatuetan haien produktuak saltzea, eta baserrian, saltzen ez dena, alperrik galtzen da. Hala ere, hurrengo uzta prestatzeko lanean jarraitu behar da, edo abereak hazten. Gelditzen ez direnak atalean, Urnietako Gurutzeta baserriko Maite Otaño eta Joseba Lete dira protagonista, Lizasok lan egun oso bat igaro zuen haiekin. Goizean goizetik hasi, Hernaniko plazan jartzen duten postuan, eta arratsaldera arte, lurra lantzeaz bukatzen dutenean.

Familiak ere badu bere lekua lan honetan. Lizasok itxialdiarekin eman zion hasiera lan honi, hortaz, sormenari bidea ireki zion lehenengo gauza familia izan zen. Bere bikoteari gitarra jotzen ari zela ateratako argazki batekin hasi zen dena. Argazki horrekin hasi eta itxialdian pasa zen guztia erakusten digu Etxe barruko arrastatzea sailean. Ama sukaldean, aita lorategian, anaia klasean, bideodeiak, ile-apaindegia etxeko sukaldean… Euskal Herriko etxe gehienetan pasa dena plazaratu du.

• Urtarrilak 28 - 18:00

Inaugurazioa. Etxepare aretoa

• Otsailak 3 - 18:00 eta 19:00

Bisita  gidatuak. Beñat Lizasoren eskutik. 

Txanda bakoitzean 6 pertsona gehienez.

• Otsailak 17 - 18:00 eta 19:00

Bisita  gidatuak. Beñat Lizasoren eskutik. 

Txanda bakoitzean 6 pertsona gehienez.

Deskribapena

Egitaraua

‘Testigos del Olvido #2' erakusketa

• Maiatzak 16 – Ekainak 13

• 08:30 - 19:45

• Bizkaia Aretoa (Etxepare Aretoa)

• (Abandoibarra, 3. Bilbao)

MSFk eta El País Semanalek ekoitzitako erakusketa honek agerian jartzen digu Palestinako lurralde okupatuetan, Nigerren, Etiopian eta Kolonbian bizi direnen eguneroko sufrimenduaren, indarkeria barneratuaren eta abandonu mediatikoaren giza aurpegia.
‘Testigos del olvido #2' erakusketak, Mugarik Gabeko Medikuek eta El País Semanalek ekoitzitako erakusketaren bigarren zatiak, agerian jartzen digu Palestinako lurralde okupatuetan, Nigerren, Etiopian eta Kolonbian bizi direnen eguneroko sufrimenduaren, indarkeria barneratuaren eta abandonu mediatikoaren giza aurpegia
Martín Caparrós, Santiago Roncagliolo, Laura Restrepo eta Manuel Rivas idazle ospetsuek ahanzturaren linbora bidaiatu zuten Juan Carlos Tomasi fotokazetariarekin batera, ia inork kontatzen ez dituen istorio horien protagonistak ezagutzera.
Eguneroko lazturaren argazkiok aurre egin nahi diote ahanzturari eta axolagabekeriari; munduko bazter zokoratuenetako batzuetan indarkeriak, gaitzak eta muturreko bazterkeriak jota bizi diren gizakienganako konpromisoaren aldeko apustua dira.

• Erakusketaren prentsaurrekoa eta jendaurreko aurkezpena

  • Maiatzaren 17an, asteazkena, 11:00etan.

Bertaratuko diren kideak:
Patxi Juaristi, UPV/EHUko Bizkaiko Campuseko errektoreordea.
Aitor Zabalgogeazkoa, Siriako misioko azken burua eta MsF-ren ordezkaria Turkian.
Alma Saavedra, MSFren ordezkaria iparraldean.

Topaketak

• Hitzaldia Aitor Zabalgogeazkoa-ren eskutik:

Siria, sin luz al final del túnel

• Maiatzak 17, 19:30

• Bizkaia Aretoa (Arriaga Aretoa)

Aitor Zabalgogeazkoak MsFk Siriako gatazkan eginiko misioko buru gisa izan zuen esperientzia kontatuko ditu. Duela zazpi urte hasi zen gatazka Sirian, eta giza laguntza gerrako arma gisa erabiltzen dute han gatazkan parte hartzen duten alde guztiek.

• Elkarrizketa, ‘Sabako erreginak' (Laura Restrepo eta África Baeta)

  • Ekainak 7, 19:30

  • Bizkaia Aretoa (Baroja Aretoa)

MSFren zenbait proiektu ezagutzeko Yemengo iheslarien esparruetara eta Etiopiako Aroresa urrutiko barrutira bidaiatu ondoren, Laura Restrepo kolonbiar idazle eta kazetariak eta Juan Carlos Tomasik Sabako erreginaren ondorengoen biziraupenaren aldeko borroka jaso zuten: gerra, gosete eta gorrototik ihes egiten zuten emakumeak, toki batzuk zeinetan emakume horien eta beren seme-alaben egoera samingarria zen eta apenas zegoen osasun laguntzarik.
Oraingo honetan, idazleak África Baeta kazetariarekin hitz egingo du, eta kontatuko du nolako esperientzia izan zuen lurralde haietan, betiere Juan Carlos Tomasi bidai lagunak egindako argazkiak oinarri harturik.

Sarrera librea, aretoa bete arte