Deskribapena

Txalaparta ikastaro batean parte hartu eta bere erritmoak jotzen ikasi. Tailer honen helburua erritmo eta koordinazio trebetasunak (banaka eta binaka) lortzen irakastea da, txalapartaren erritmoak ikasiz. Klase bakoitzean txalapartaren ezaugarri desberdinak (erritmoa, abiadura, kolorea eta intentsitatea) eta haien konbinazio posibleak ikasiko dira. Ikasturtea amaitzean, erritmo horien eta horien gauzatzearen ezagutza aurreratua izatea espero da.

Ikastaro hau, gainera, taldeko praktiketan oinarritzen diren musika ikasteko prozesuak ikertzen dituen doktoretza baten parte da. Tailer honetan parte hartuz, ikerketa garatzen laguntzen da, talde-dinamika batean musika-ikaskuntza nola ematen den hobeto ulertzeko eta ikaskuntza horretan nola aurrera egiten den elkarrekintzari, sozializazioari eta inplikatutako guztien parte-hartzeari esker.

Ikastaroa euskaraz izango da.

Izen-emateak: ehukultura-bizkaia.info@ehu.eus

*Plaza mugatuak. Ikasleek lehentasuna daukate.