RAKASGAIAN LANDUKO DIREN GAITASUN ESPEZIFIKOAK:



-Marketin edo merkataritza-arazo bat egituratu eta aztertu.

-Produkuaren atributuak eta dimentsioak zehaztu eta produktuaren bizi-zikloko etapa ezberdinetan estrategiak baloratu.

-Erakunde edota enpresa baten ondasun/zerbitzu zorroaren osaketa aztertu eta produktuen merkaturatze, aldatze eta ezabatze prozesuak ezagutu.

-Prezioaren inguruan erabakiak hartzeko trebetasuna hartu.

-Komunikazio prozesuaren funtzionamendua, komunikazioaren mix-a eta ohiko estrategien erabilera ulertu.

-Banaketa-kanalen funtzionamendua ulertu eta banaketa-estrategiak zehaztu.

-Marketin plana nola egiten den ezagutu eta merkataritza erabakiak marketin plan baten garapenean txertatu.





IRAKASGAIAN LANDUKO DIREN ZEHARKAKO GAITASUNAK:



- Lortutako datuetan oinarrituz, iritzi arrazoituak emateko gaitasuna

- Autonomia maila handia lortzen ikasteko gaitasuna

- Taldean lana egiteko gaitasuna, arduraz, errespetuz, ekimenez eta lidergoz.

- Pentsamendu analitikorako eta hausnarketa kritikorako gaitasuna

- Idatziz ongi komunikatzeko gaitasuna

- Ahoz ongi komunikatzeko gaitasuna

- Ezagupenak lanari aplikatzeko gaitasuna, enpresen administrazio eta zuzendaritzari lotutako edozein esparrutan.



IKASKETAREN EMAITZAK:



-Marketin edo merkataritza-arazo baten egituraketa eta azterketa.

-Produkuaren atributu eta dimentsioen zehazpena eta produktuaren bizi-zikloko etapa ezberdinetako estrategien balorazioa.

-Erakunde edota enpresa baten ondasun/zerbitzu zorroaren zehazpena.

-Prezioari buruzko erabaki hartzea.

-Komunikazio prozesuaren funtzionamenduaren, komunikazioaren mix-aren eta ohiko estrategien ulerkuntza.

-Banaketa-kanalen funtzionamenduaren ulerkuntza eta banaketa-estrategien zehazpena.

-Marketin planaren aspektu nagusien garapena.

1 Gaia: Produktu politika

2.Gaia: Prezio politika

3.Gaia: Banaketa politika

4.Gaia: Komunikazio politika

5.Gaia: Marketin plana

Klase teorikoak:



- Irakaslearen azalpenak gelan, PowerPointeko aurkezpenen laguntzarekin eta adibideak eta eztabaida-gaiak tartekatuz ikasleen parte hartzea sustatzeko asmoz.



Klase praktikoak:



-Kasuak eta ariketak, ikasleek ikasitako kontzeptuak aplika ditzaten eta bere ikasketa-prozesuaren bilakaera ezagutu dezaten.



-Taldeko lanak.



Klase praktikoetan irakasgaiaren gaitasun espezifikoak landuko dira, eta baita zeharkako gaitasunak ere; besteak beste, ahozko komunikazioa, taldeko lana eta era analitiko eta kritikoan pentsatzeko gaitasuna.



Halaber, ikasleek tutoretza-zerbitzua erabili dezakete irakasgaiari buruzko zalantzak argitzeko, lanen jarraipena egiteko edota izan ditzaketen beste arazoak konpontzeko.

EBALUAZIO JARRAITUAREN SISTEMA:



Azken kalifikazioa honako hiru puntuazio hauen baturak emango du:



- Idatzizko azken proba: %75

- Entregatzeko bakarkako ariketak: %10

- Elkarlana: %15



Egindako lanen puntuazioak idatzizko azken probari batu ahal izateko, azken proban 3,75 puntu (7,5ekiko) lortu beharko dituzte gutxienez ikasleek. Irakasgaia gainditzeko, azken proban, entregatzeko ariketetan eta elkarlanean lortutako puntuazioen baturak 5 edo handiagoa izan behar du.



Idatzizko azken proban, azterketaren egun ofizialean egingo dena, irakasgaian landutako kontzeptuei buruzko galdera zehatzak erantzun beharko ditu ikasleak eta izaera aplikatua izango du.



Entregatzeko bakarkako ariketak, berriz, formato desberdina izan dezaketen ariketa laburrak izango dira eta irakasgaiaren klaseetan egingo dira lauhilekoan zehar.



Elkarlanari dagokionez, entregak epe jakin batean egin beharko dira eta kasu erreal bat hartuko dute erreferentziatzat, marketin mixa landu eta hari buruzko proposamenak egiteko helburuarekin.



Lan honetan ahoz eta idatziz ongi komunikatzeko gaitasunaz gain, kontzeptuak ondo aplikatzeko gaitasuna, iritzi arrazoituak emateko gaitasuna, sormena, eta irakasgaiaren bestelako gaitasunak ebaluatuko dira.



Irakaslegoak jarduera praktiko puntuagarriak talde bakoitzaren ezaugarrietara egokitu ahal izango ditu.



AZKEN EBALUAZIOAREN SISTEMA:



Azken ebaluazioaren sistema aukeratzen duten ikasleek ebaluazio jarraitua hautatu dutenen idatzizko proba berdina egin beharko dute (7,5 puntu) eta ebaluazio jarraituaren elkarlanaren antzeko ezaugarriak dituen lana egin, baina zabalagoa eta bakarkakoa izango da kasu honetan (2,5 puntu). Lanaren puntuazioa kontuan hartu ahal izateko, azterketan 3,75 puntu (7,5ekiko) lortu beharko dira gutxienez. Irakasgaia gainditzeko, azken proban eta lanean lortutako puntuazioen baturak 5 edo handiagoa izan behar du.



Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jakinarazi beharko dio irakasgaiaren irakasleari eta, horretarako, bederatzi asteko epea izango du lauhilekoaren hasieratik.



Deialdiari uko egiteko nahikoa izango da azterketara ez aurkeztea.

Irakasgaiko materiala egelan eskuratu ahal izango da.

Oinarrizko bibliografia

KOTLER, P. eta ARMSTRONG, G. (2014): Marketinaren oinarriak. Deustuko Unibertsitatea. Bilbao.

SANTESMASES MESTRE, M. (2012): Marketing: Conceptos y Estrategias, Pirámide, Madril (6. Edizioa).

MEDIANO, L. eta BERISTAIN, J.J. (2015): Marketing práctico para pequeños negocios, Ed. Pirámide, Madril.

Gehiago sakontzeko bibliografia

ARMSTRONG, G., KOTLER, P., MERINO, M.J., PINTADO, T. eta JUAN, J.M. (2011): Introducción al marketing, Pearson, Madril (3. Edizioa).
BURK, M. (2003): El Plan de Marketing. Guía de Referencia. Pearson/Prentice-Hall.
COHEN, W.A.(2001): El Plan de Marketing, Deusto, Bilbo (2. Edizioa)
DÍAZ, S. (Coordin.) (2022): Política de producto, Esic Editorial, Madrid.
DIEZ DE CASTRO, E (2003): Distribución Comercial, McGraw-Hill arg., Madril.
ESTEBAN TALAYA, A. eta besteak (2006): Principios de Marketing, Esic Argitaletxea, Madril.
KOTLER, P., KELLER, K.L. Y CHERNEV, A. (2022): Marketing Management, Global Edition, Pearson.
LAMBIN, J. J. (2003): Marketing Estratégico, Esic Argitaletxea, Madril.
LLANO, F. eta CALVO,J. (koordin.) (2008): Hoy es Marketing. Nuevos mercados, nuevos clientes, nuevas soluciones. Esic argitaletxea.
MARTÍN ARMARIO, E. (1998): Marketing, Ed. Ariel Economía, Bartzelona.
MIQUEL, S.; PARRA, F.; L´HERMIE, C.; MIQUEL, M. J. (2008): Distribución Comercial, ESIC argitaletxea, Madril (6. edizioa).
MUNUERA ALEMAN, J. L. eta RODRIGUEZ ESCUDERO, A. I. (2007): Estrategias de Marketing. Un enfoque basado en el proceso de dirección. Esic Argitaletxea, Madril.
SAINZ DE VICUÑA, J.M. (2006): El Plan de Marketing en la práctica, Esic argitaletxea, Madril (10. edizioa).
TRESPALACIOS GUTIERREZ, J. A., RODRIGUEZ DEL BOSQUE, I. eta VAZQUEZ CASIELLES, R. (2005): Marketing: Estrategias y Aplicaciones Sectoriales, Civitas, Madril.
VAZQUEZ CASIELLES, R eta TRESPALACIOS GUTIERREZ, J. (koord.) (2006): Estrategias de Distribución Comercial, Paraninfo, Madril.

Aldizkariak

Distribución y Consumo
Harvard Deusto Marketing & Ventas
MKMarketing + Ventas
Ipmark