Onartua izateko irizpideak
Sarrera-profila
Izangaiek aipatutakoez bestelako masterrak egin badituzte, Batzorde Akademikoak izanen du horiek onartzeko ahalmena. Nolanahi ere, onartutako doktoregai horiek gutxienez 6 ECTS egin (edo egiaztatu) beharko dituzte hezkuntza ikerketako prestakuntzan, programak eskainiko dituenak.
A) Merezimendu akademikoak:* Unibertsitateko tituluaka) Zientzia Esperimentalen Didaktikaren (ZED)esparruko master-tituluak (3.2 atalean adierazitakoak edo Masterreko Batzorde Akademikoak onartutakoak) (5 puntu)b) Hezkuntzaren arloko beste master titulazio batzuk (puntu 1)c) Maisu-maistraren titulua (3 puntu) d) Zientzia eta Teknologien arloko beste gradu-titulu batzuk (0.5 puntu)* Masterreko espediente akademikoa (a titulazioak badira) (edozein espediente akademiko barematzeko unibertsitate bakoitzak erabiltzen dituen irizpideen arabera egingo da kalkulua, kontuan hartuta gehieneko puntuazioa 2 dela) (2 puntu gehienez) (b titulazioak badira) (kalkulua unibertsitate bakoitzak edozein espediente akademiko barematzeko erabiltzen dituen irizpideen arabera egingo da, kontuan hartuta gehieneko puntuazioa 2 dela) (2 puntu gehienez).* Doktoratu aurreko kontratua (deialdi publikoa) (3 puntu/urte) (6 puntu arte) lehentasunezko merezimendua* Ikerkuntzan hasteko beka eta laguntzak (0,5 puntu urteko) (puntu 1 gehienez) B) Merezimendu profesionalak* Irakasle urteak jardunean (puntu bat urteko) (5 puntu gehienez)* ZEDrekin zerikusia duten titulazioetako praktiketako tutoreak (0,5 puntu urteko) (3 puntu gehienez)* Beste merezimendu profesional batzuk (2 puntu bitarte)C) Prestakuntzako merezimenduak Emandako ikastaroak, mintegiak, hitzaldiak... (puntu 1 gehienez) Jasotako ikastaroak, mintegiak... (puntu 1 gehienez) Argitalpenak (artikuluak, liburuak...) (puntu 1 gehienez) Lan-taldeetan parte hartzea, berrikuntza-proiektuak (2 puntu gehienez)D) Beste merezimendu batzuk (puntu 1 gehienez)Egin nahi den doktorego-tesiaren proposamenaren argitasuna eta zehaztasuna, doktorego-programako irakasleren batek abalatua (3 puntu bitarte). Beharrezkoa bada eta batzordeak hala uste badu, elkarrizketak egin ahal izango dira eskatzaileekin. (3 puntu bitarte)
Gaztelania
Valentziera
Euskara
Ingelesa
Galiziera
Katalana
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore bat esleituko dio doktoregai bakoitzari, doktorego programan parte hartzen duten UPV/EHUko irakasleen artetik, eta berak zaindu beharko du doktoregaiaren eta Batzorde Akademikoaren arteko interakzioa. Horrez gain, tutorea prestakuntza eta ikerlana doktorego programaren eta Doktorego Eskolaren printzipioetara egokitzeko arduraduna ere izango da.
Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Zuzendaria UPV/EHUkoa ez bada, tutoreak egingo du unibertsitatearekiko lotura lana.
Tesia zuzendarikidetzan ere egin ahal izango da beste zuzendarikide batekin eta zuzendarikide hori doktorego programakoa izatea ez da nahitaezkoa izango. Horrez gain, tutorearen edo zuzendariaren izendapena aldatu ahal izango da doktoregoa amaitu aurreko edozein momentutan.
Informazio gehiago behar izanez gero, kontsultatu izapideak eta arautegia.